Read gen Yɔb 20 Bible Online

Yɔb 20 - gen bible

Yɔb 20

¹Sofà so Naamà sɔ ènyà gblɔ̃ na Yɔb be:

²Kè mù le bù èta mèa, e jro mù be ma ɖo e ŋuti. Eye nyè mu teŋu lè le ɖokoe nyè

³kè mù le ɖoto àpo ènyà kèwo nyi àmè zũzũ a ò. Vɔ̀ susu nyè na mù ɖoŋuti ɖe.

⁴So xoxoa, so gà kè mè àgbètɔ xòmèa va ànyigbã jia,

⁵Àmè bàɖà be jiɖùɖu mu dɔ̃na ò. Àmè bàɖà be jìjɔɛ nɔ̀nà kpòeɖe. Yɔb, wò mu nya ekèa?

⁶Ne àmè bàɖà gbà yì ji glòjò wu jiŋùkusi ŋutɔ cã, ne yebe èta gbà tɔ lilikpowo cã a;

⁷e la crɔ̃ gbidi sìgbè ènu kè to lè àdɔ̀mè nène. Àmè kèwo la kpɔ èa, la gblɔ̃ be: “Fikɛ be lè ò?”

⁸E sina yìnà sìgbè èdrɔ̃kuku nène, eye wo mu gbà kènà ɖo e ŋuti ò. E buna sìgbè ŋùku blè àmè zãmè nène.

⁹Wo mu la gbà kpɔ àmè kè wo kpɔna eji-eji sãa gbèɖe ò. Wo mu la gbà kè ɖo e ŋuti lè yebe nɔ̀pe cã kpɔ ò.

¹⁰E ɖo la gble yebe àdɔ̀kùnuwo ɖɛ, eye èviawo ɖo la tu èfɛ̃ kèwo keŋu be ɖù a.

¹¹Ŋusɛ̃ lè e ŋuti sãa lè ɖèkajɛmè, vɔ̀ ŋusɛ̃ ŋua le yì èyɔ̀ mè kudo è.

¹²Ènu bàɖà wɔ̀wɔ vivina na àmè bàɖà: e wlana ɛ̀ ɖo yebe àɖe gɔ̃mè.

¹³E bùnà e ŋuti sìgbè lekè wo gbigbɔ̃na kpɛ̃tikè nène, e nɔ̀nà ènu mè na ɛ̀ gà sia gàmè.

¹⁴Vɔ̀ yebe ènuɖùɖu trɔna èdã be àɖi lè àdɔ̀mè na ɛ̀.

¹⁵E ɖo la trɔ jo àdɔ̀kùnɔ̀ kèwo be gbĩ lè àmèwo sia na. Mawu le ɖè wo to lè yebe àdɔ̀mè.

¹⁶E la gbigbɔ̃ èdã be àɖi eye àɖia la wù ì sìgbè èdã ye ɖù ì nène.

¹⁷Àmè bàɖà be ènu mu la gbà tɔ ànyisì ɖe, kaka la jè bɔtà gbogbowo ji ò.

¹⁸E la jo èdɔ kè be wɔ̀a be àlè, mu la kpɔ ɖekpe ɖù lè e mè ò: e la jo è na ɖɔɖɔ.

¹⁹Nukɛ ŋuti ò? Ɖo e zĩ wɔ̀amènɔ̀wo ɖo èto kudo màjɔ̀ màjɔ, e ɖèkɔ̀ lè woa ŋuti, e xɔ̀ woabe àxuewo wàlɛbɛ kè ye ŋutɔ la teŋu tù ye tɔ̀a.

²⁰Ènu mu sùnà ɛ̀ gbèɖe ò, ekèa ŋuti ye mu la teŋu hlùɛ̃ yebe àdɔ̀kùnu ɖekpe ò.

²¹Àmè sia àmè be ènu jro na ɛ̀ mà jìjɔ. Ekèa ŋuti ye yebe nyɔna mu la teŋu nɔ̀ ànyi ò.

²²Ne àmè bàɖà kpɔ èci gbãgoa, e cina siayi eye gbledo kɔ̀nà ɖo e ji.

²³Ne e lɔ ènu ɖekpekpe ɖo ènu le yìa, Mawu la ɖè yebe àdɔ̀mèzea ɖo e ji. E la ɖùɖù àdɔ̀mèzea ɖo e ji sìgbè èjijàja nène.

²⁴Ne e si lè kɛ̃tɔ be èwui nua, e la jè gàjɛ̃ be plɛ̃ŋugò nu.

²⁵Ne e ɖè àŋùti kè ŋɔ àgò na ɛ̀a joa, èku be vɔ̃vɔ̃ la jè e ji trolo.

²⁶Èzã vìtì ye le tɔtè kpɔ àmè bàɖà. Èzò kè àmè ɖe mu do òa, ye la vũvũ ì. E la bì ènu kè kpɔ̀tɔ̀ lè yebe àxomèa.

²⁷Jiŋùkusi la kè ɖo ènu bàɖà kè be wɔ̀a ŋuti. Ànyigbã la sitè ɖo e ŋuti.

²⁸Èsìɖɔɖɔ la kplɔ̀ yebe ènuwo yì, wàlɛbɛ kè Mawu la ɖè yebe àdɔ̀mèze fiɔa.

²⁹Nène ye Mawu la wɔ̀ kudo àmè bàɖàwo. Ekèa ye le nyi woabe ècrɔ̃nu.