Read gen Yɔb 25 Bible Online

Yɔb 25 - gen bible

Yɔb 25

¹Bildàd so Cuhà xɔ̀ ènyà gblɔ̃ na Yɔb be:

²Mawu ɖo ŋusɛ̃ gã, gbà ɖo vɔ̃vɔ̃. E na ŋuti fàfa kaka yì jiŋùkusi.

³Àmè ɖe la teŋu hlɛ̃ yebe àhùakɔ̃woa? Yebe èwèa mu klɛ̃na na àmè sia àmèa?

⁴Leke ye àgbètɔ la teŋu nɔ kpɔ ye ɖokoe jɔ̀jɔɛ lè yebe ŋùkɔ̀ ò? Leke nyɔ̃nù be àdɔ̀mèvi la teŋu be yè kɔ̀ ò?

⁵Lè Mawu gbɔa, wètri mu ɖo kɔ̀kɔ̀ɛ sɛ̃ŋu ò, eye wètriviwo tɔ̀ cã mu kɔ̀ tutu ò.

⁶Nène a, nukɛ mi la gblɔ̃ so àgbètɔwo ŋuti ò? Lè yebe ŋùmèa, wo lè sìgbè àvlɔkuiwo nène, sìgbè bìbìviwo nène kpò!