Read gen Yɔb 41 Bible Online

Yɔb 41 - gen bible

Yɔb 41

¹Ne àmè ɖe susu be yèa ɖù èlã-jiŋɔa jia, e blè ye ɖokoe. Nyàwoa, ne e va ze kpòa, àmèwo kpata jènà ànyi kuna bòbò.

²Àmè ɖe mu kãsè la ji ènyà lè e ŋuti ò. Eŋuã àmè kɛ ye la teŋu nɔ̀tè lè ŋùkɔ̀ na mù ò?

³Àmè kɛ ye do ègà na mù eye mù ɖo la trɔ ɛ̀ sɔ na ɛ̀ ò? Ènu sia ènu kè lè xixea mèa, nyi tɔ̀ nyè!

⁴Mù la gblɔ̃ èlã-jiŋɔa cã be ŋutinuwo be ènyà, yebe ŋusɛ̃ mànyagblɔ̃ kudo yebe àzɔ̃lì nyakpɔkpɔ.

⁵Àmè kɛ ye la teŋu zɛ̃ yebe àwùa lè ŋùkɔ̀ na ɛ̀ ò? Àmè kɛ ye la teŋu to yebe àkɔtakpoxɔ̀nua mè dò ò?

⁶Àmè kɛ la teŋu fɛ̃ àglã na ɛ̀ ò? Àmè sia àmè hũhũna tìtìtì lè yebe àɖu gbogbowo be ŋùkɔ̀.

⁷Ècro sùgbɔ ye cɔ̃ yebe ŋùgbedòmè lè ɖoɖonu. Wo lè sìgbè àkpoxɔ̀nu kèwo tɛ ɖo woa nɔ̀nɔwo ŋuti kpãmia nène.

⁸Wo tɛ ɖo woa nɔ̀nɔwo ŋuti kaka ye àya tètè mu teŋu kpɔ èmɔ̃ la yì ò.

⁹Ècroawo tɛ ɖo woa nɔ̀nɔwo ŋuti eye wo wɔ̀ ɖèka. Àmè ɖe mu la teŋu ma woa dòmè ò.

¹⁰Ne èlã-jiŋɔa nyìa, funua klɛ̃na kpe è, yebe ŋùkuwo kɔ̀nà sìgbè fɔ̃fɔ̃mè kè gbãnàa nène.

¹¹Èzò be àɖewo tona lè ènu mè na ɛ̀, e nana èzòklɛ̃nyɛ to àfi sia àfi.

¹²Àzìzɔ tona lè yebe ŋɔ̀tiwo mè sìgbè ènu kè le fìɔ lè èze mèa nène, sìgbè àŋùja be àve kè le bìzòa nène.

¹³Yebe àya-gbɔ̃gbɔ̃a teŋu na èzò kè le cia la gbà le, eye èzò tona lè ènu mè na ɛ̀.

¹⁴Yebe ŋusɛ̃ lè èkɔ̀ mè na ɛ̀. Àmè sia àmè ye sina lè ŋùkɔ̀ na ɛ̀.

¹⁵Wo tɔ̃ yebe àgbàze be ŋɔŋlɔ̃wo ɖodu. Yebe ŋuti be tèpe fàflawo lè sìgbè gàkpo nène.

¹⁶Yebe èjì sɛ̃ŋu likè sìgbè àkpã nène, e sɛ̃ŋu sìgbè èkpe kè wo sɔ tùnà èlùa nène.

¹⁷Ne èlã-jiŋɔa sitèa, àmè kèwo wɔ̀nà kãlìawo ŋutɔ cã vɔ̃na eye wo sina.

¹⁸Ne èwui jè e ŋutia, mu sìnà ɛ̀ ò. Nène a ke be nyi na èhuã kudo àŋùtiwo cã.

¹⁹Gàkpo lè na ɛ̀ sìgbè ègbe pupu nène, gàjɛ̃ ya nyi àti kè nyìnyɔ̀a kpò.

²⁰Àŋùtiwo mu wɔ̀nà ènu ɖekpe na ɛ̀ ò, eye rɔbàtukpewo cã lè na ɛ̀ sìgbè ègbe pupuwo nène.

²¹Èkpò gã ŋutɔ cã lè na ɛ̀ sìgbè èbèyɔɛ nène, èhuã be èhà jìji ɖìnà kòkoe na ɛ̀.

²²Èkpe ènu piɖoewo ye cɔ̃na èlã-jiŋɔa be pòdo ji; E lè sìgbè èmɔ̃ kè gùdùnà ànyigbã ye be le dɔ̃ to bàba ji nène.

²³Ne e ɖo èsì mè lekea, e fìɔnà sìgbè èsì ye wo ɖo èzò ji nène, e nana futukpɛ va na àpùa be ŋùmè.

²⁴Fikè be toa, ɖènà èmɔ̃ kɔ̀kɔ̀ɛ ɖe ɖo ànyi. Eye èsì wɔ̀ ègũa be ŋùmè kpata ɣena tìi sìgbè àmè sĩsĩ be èɖà nène.

²⁵Àmè ɖekpe mu lè kè sɔ̀ ku èlã-jiŋɔa lè ànyigbã ji ò. Mù wɔ̀ ɛ̀ ne mu gbà vɔ̃ gbèɖe ò.

²⁶E kpãnà ŋùkɔ̀ yebe kɛ̃tɔ gãgãwo, e nyi èlãwɔ̀adãwo kpata be èfìɔ.