Read gen Èhàwo 101 Bible Online

Èhàwo 101 - gen bible

Èhàwo 101

¹David be Èhà. Mù la jì lɔ̃lɔ̃ ku jɔ̀jɔɛsòso be èhà; èwò Tɔhonɔ̀ ye mù la jì èhà na.

²Mù la kpɔ ɖokoe nyè ji nyuɛ̃ ɖe lè èmɔ̃ kɔ̀kɔ̀ɛ nu. Wàlɛbɛ kɛ ye wò la va gbɔ nyè? Mù la nɔ̀ àgbè mà-ɖoɖi lè àxue nyèa mè.

³Nyè mu la na ŋùku nyè la kpɔ ènu màɣe ɖekpe ò. Mù crì àmè kèwo gbe wòa. Woabe wɔ̀na mu jènà tɔ̀ nyè ji ò.

⁴Nyè mu la do èha kudo àmè mà-wɔ̀ ànùkua ɖekpe ò. Eye nyè mu ji la nya àmè bàɖà ɖe cã ò.

⁵Mù la na àmè-havi-gbletɔ be ènu la bɔ̀ kpoo. Eye àmè kè kona ànya be ènu la jiŋɔ na mù ŋutɔ.

⁶Ŋùkuvi nyè lè ànùkuamè, ànyigbã jitɔ̀wo ji; be woa nɔ̀ gbɔ nyè. Àmè kèwo zɔ̃nà àzɔ̃lì tututua, wo ye la sumɔ mù.

⁷Àlàkpànuwɔ̀tɔ ɖe ma nɔ̀ àpe àxuea mè ò, àjèɖàtɔ ɖe cã ma nɔ̀tè lè ŋùkɔ̀ na mù ò.

⁸Ŋùkèkè sia ŋùkèkèa, mù la nɔ miɔ̃ ènu na àmènyrãkuwo lè ànyigbã ji, ne ma crɔ̃ ènu màɣewɔ̀tɔwo kpata lè Tɔhonɔ̀ be èdùa mè.