Read gen Èhàwo 108 Bible Online

Èhàwo 108 - gen bible

Èhàwo 108

¹Èhà. David be èhà.

²Mù dojì ɖo ŋuti wò Mawu nyè, mù la jì èhà la lòlò wò kudo èjì blibo.

³Mì fɔ̃ sãŋùgu kudo èhɛwo, mù ɖo la fɔ̃ fɔ̃fɔ̃mè.

⁴Tɔhonɔ̀, mù la do àkpe na wò lè dùkɔ̃wo dòmè, mù la jì èhà na wò lè àmè kèwo mu jèsi wò sã òa dòmè.

⁵Ɖo lɔ̃lɔ̃ wòa lòlò wu jiŋùkusi, àpo ànùkua wɔ̀wɔ sùtè lilikpowo mè.

⁶Mawu, na àpo nyikɔ ne to jiŋùkusi ŋuti, ne àpo gogo ne ɖɔ ànyigbã bliboa ji.

⁷Ne àpo àmè vevewo nɔ kpɔ vòvo, hlùɛ̃ wo gã to àpo ŋusɛ̃ mè, eye ɖo èto mù.

⁸Mawu pò nupo lè yebe mawuxɔ kɔ̀kɔ̀ɛa mè be: “Ènyè ye nyi èjiɖùtɔa. Mù la ma Sikɛ̀m èdù gãa mè, mù la jije Sukɔ̀t be bàlìa.

⁹Gilead nyi tɔ̀ nyè, Manasè nyi tɔ̀ nyè. Efràyim ye nyi kuku kè mù sɔ cɔ̃ èta, Yudà ye nyi èkpò kè mù sɔ kplɔ̀nà àmèwo.

¹⁰Mòab ye nyi àpe èsìlètɔ̀ka; Edɔ̀m ji mù ɖona àfɔ̀. Mù do àhùa-pa ɖo Filistìa ji.”

¹¹Àmè kɛ ye la kplɔ̀ mù yì èdù kè àgbògbò trɔ do a mè? Àmè kɛ ye la kplɔ̀ mù yì kaka Edɔ̀m?

¹²Wò ɖèka pɛɛ ye sù la wɔ̀ ɛ̀, Oò Mawu! Vɔ̀a, wò sɔ mi dãŋùgbe, wò mu gbà le wɔ̀ àhùa kpe ɖo miabe àhùakɔ̃wo ŋuti ò.

¹³Va kpe ɖo mia ŋuti lè kɛ̃tɔa be ŋùkɔ̀. Ɖo àgbètɔwo mu teŋu le do mi àlɔ̀ àlekè e jè ɖoa ò.

¹⁴Èjiɖùɖu la nyi mia tɔ̀ to Mawu ji. E la ɖiki miabe kɛ̃tɔwo.