Read gen Èhàwo 11 Bible Online

Èhàwo 11 - gen bible

Èhàwo 11

¹David be Èhà kè wo ɖè lè hàsìnɔ̀ gã be xoma mèa. Tɔhonɔ̀ nyi àpe tabèpe. Àleke mì la teŋu gblɔ̃ na mù be: “Si yì ètowo ji sìgbè xèvi nène ò?”

²Kpɔ àmè bàɖàwo xa woabe àŋùdàtiwo. Wo jɔ̀ woabe àŋùtiawo ɖo èkàa ji, lè klalò la te àmè kèwo ɖo èjìmè kɔ̀kɔ̀ɛa, lè vìvìti mè.

³Nukɛ àmè kè le sè ègbè na wòa, la teŋu wɔ̀ ne wo gbidi èse kè le kplɔ̀ èdùa ò?

⁴Tɔhonɔ̀ lè yebe èxɔ̀ kɔ̀kɔ̀ɛa mè, Tɔhonɔ̀ ɖo yebe èfìɔzìkpe ɖo jiŋùkusi. E le kpɔ ènu so funu eye e le do àgbètɔwo kpɔ.

⁵E kpɔna jìjɔɛ so ètonusètɔwo ŋuti, vɔ̀, e crì àmè bàɖà, àmènyrãkua be wɔ̀wɔ.

⁶E nana èzòka kudo wèmi zòzo jànà kɔ̀ ɖo àmènyrãhũwo ji. Àya gblenu zòzo ye la pò do wo. Ekèa ye la nyi woabe àjɔ̀.

⁷Ɛ̃ɛ, Tɔhonɔ̀ nyi ànùkuamè, e lɔ̃nà ànùkuawɔ̀wɔ eye àmè kèwo ɖo èjìmè kɔ̀kɔ̀ɛawo la kpɔ yebe ŋùkumè.