Read gen Èhàwo 112 Bible Online

Èhàwo 112 - gen bible

Èhàwo 112

¹Mì jì kafu-ha na Tɔhonɔ̀! Sìtume ye nyi àmè kè bùnà Tɔhonɔ̀ eye e kpɔna yebe ègbè do àsiwo jia.

²Ŋusɛ̃ la nɔ̀ yebe èviwo ŋuti lè ànyigbã ji, ɖo Mawu tu sì na àmè kèwo wɔ̀nà ànùkua

³Ènunɔ̀amèsiwo la sù e si eye e la nɔ̀ àgbè nyuɛ̃ ɖe. Yebe ànùkua wɔ̀wɔ la nɔ̀ ànyi tɛ̀gbɛ̀.

⁴Kɔ̀kɔ̀ɛ klɛ̃na na ànùkuamè a lè èzã mè. E lè jɔ̀jɔɛ gbà wɔ̀nà àdɔ̀mè nyuɛ̃. E lɔ̃nà àmè ɖexòmèku.

⁵Àmè kè wɔ̀nà ènyuɛ̃a, kpɔna ɖo e mè na àmè gbà dona ènu fàa. E wɔ̀nà yebe ènuwo ɖo èse ji.

⁶Ènu ɖekpe mu la hũhũ ì kpɔ gbèɖe ò, eye wo la nɔ ɖoŋùku ànùkuamè a ji tɛ̀gbɛ̀dò.

⁷Mu la nɔ vɔ̃ ènyà kpòtoewo ò. Lè kãkãɖoji mèa, e la dojì ɖo Tɔhonɔ̀ ŋuti.

⁸Ku kãkãɖoji a, mu la vɔ̃ ènu ɖekpe ò, eye e la teŋu kpɔ ŋusɛ̃ ɖo yebe kɛ̃tɔwo ji.

⁹E vlũna àlɔ̀, e nana ènu wɔ̀amènɔ̀. Eye yebe ànùkua wɔ̀wɔ la nɔ̀ ànyi tɛ̀gbɛ̀. E ɖo ŋusɛ̃ eye bùbu nɔ̀nà e ŋuti.

¹⁰Àmènyrãkuwo la kpɔ ɛ̀ eye wo la do àdɔ̀mèze. Wo la ɖù àɖuklui ku ŋuhuã eye wo la gbɔjɔ Woabe ŋùɖo la bu vĩi.