Read gen Èhàwo 113 Bible Online

Èhàwo 113 - gen bible

Èhàwo 113

¹Mìa Tɔhonɔ̀ be sumɔ̃viwo, mì jì kafu-ha na ɛ̀, mì lòlò yebe nyikɔ.

²Àkpe na Tɔhonɔ̀! So fifì kaka sɔ yì.

³Wo la nɔ mlã Tɔhonɔ̀ be nyikɔ so èwèzɛ̃pe yì èwèɖoxɔ̀pe.

⁴Tɔhonɔ̀ wugã dùkɔ̃wo kpata, yebe gogoa to jiŋùkusi ŋuti.

⁵Àmè kɛ ye sɔ̀ ku Tɔhonɔ̀ miabe Mawu a? E nɔ̀ ànyi lè yebe fìɔzìkpea ji lè èji hũi.

⁶E bɔ̀bɔ̀ le kpɔ ènu kèwo lè jiŋùkusi kudo ànyigbã a.

⁷E trɔ fɔ̃na àmè gbɔjɔ kè le dã lè ɖiɖɔɛ mèa ɖotè. E kɔna wɔ̀amènɔ̀ kè nɔ̀ ànyi lè kɔkɔli jia sitè.

⁸Ne bèa sɔ ɛ̀ nɔ̀ ànyi ɖo bùbu tèpe, lè yebe èdù mè be fìɔviwo dòmè.

⁹E nana kònɔ̀ kpɔna àxue ji, ne bèa nɔ jɔ̀jì sìgbè èviwo be ènɔ̀ nène. Mì jì kafu-ha na Tɔhonɔ̀!