Read gen Èhàwo 114 Bible Online

Èhàwo 114 - gen bible

Èhàwo 114

¹Wàlɛbɛ kè Izràɛlviwo hũ so Ejiptè a, kè Yakɔb be àxuedo a to lè àmèjro nyigbã ŋuã jia,

²Yudà trɔ zũ Tɔhonɔ̀ be nɔ̀pe kɔ̀kɔ̀ɛ, Izràɛl trɔ zũ yebe dùkɔ̃.

³Kè àpùa kpɔ Izràɛlviwoa, e si. Yɔrdàn be ètɔ̀ sàsraa, tè yì ŋùgbe.

⁴Ètowo tìkpo sìgbè àgbòwo nène, ètokɔ̃ɛwo tìkpo sìgbè gbɔgbɔɛviwo nène.

⁵Àpù! Nukɛ jɔ̀ ye wò si? Yɔrdàn be ètɔ̀ sàsra! Nukɛ jɔ̀ kaka ye wò yì ŋùgbe?

⁶Ètowo! Nukɛ ŋuti ye mì tìkpo sìgbè àgbòwo nène ò? Ètokɔ̃ɛ̃wo! Nukɛ ŋuti ye mì tìkpo sìgbè gbɔgbɔɛwo nène ò?

⁷Èwò ànyigbã! Eha ne lɔ wò ne wòa hũhũ lè Tɔhonɔ̀ be ŋùkɔ̀, lè Yakɔb be Mawu a be ŋùkɔ̀.

⁸Àmè kè nana àkpã trɔna zũ ètãku eye àhlìhãkpewo trɔna zũ èsìdoa.