Read gen Èhàwo 116 Bible Online

Èhàwo 116 - gen bible

Èhàwo 116

¹Mù lɔ̃ Tɔhonɔ̀, ɖo e ɖonato àpe àlenanawo be ègbè.

²E kè yebe èto ɖo gbɔ nyè eye mù la nɔ yɔ ɛ̀ àgbèzã nyèa keŋu.

³Èku bla mù ɖo èkà mè, eye mù jè kuwode be kɔ̀sɔ̀kɔsɔwo mè. Mù vɔ̃ ŋutɔ eye mù ci ènuxàxa mè.

⁴Eye mù yɔ Tɔhonɔ̀ be nyikɔ gblɔ̃ be: “Aò, Tɔhonɔ̀ hlùɛ̃ mù!”

⁵Tɔhonɔ̀ nyi àdɔ̀mè nyuɛ̃wɔ̀tɔ gbà lè jɔ̀jɔɛ. Miabe Mawu a kuna ŋuzĩzĩ.

⁶Tɔhonɔ̀ xɔ̀nà ènyà ɖo àmèbɔ̀bɔɛwo ta. Mù gbɔjɔ sã, eye e hlùɛ̃ mù gã.

⁷Èjì ne gbìgbɔ̀ jè e mè na wò èkla nyè, ɖo Tɔhonɔ̀ wɔ̀ nyuɛ̃ na wò.

⁸Ɛ̃ɛ, wò hlùɛ̃ mù lè èku si. Wò tutu àɖàsì nyèwo eye wò na nyè mu jè ànyi ò.

⁹Ekèa ŋuti ye mù la nɔ zɔ̃ lè Tɔhonɔ̀ be ŋùkɔ̀ lè àgbètɔwo dòmè lè ànyigbã ji.

¹⁰Mù kã ɖo e ji wàlɛbɛ kè mù le gblɔ̃ ŋutɔ cã be: “Mù ci ènuxàxa mèa.”

¹¹Lè tìtɔ̀ titɔ nyè mèa, mù gblɔ̃ be: “Àmèwo kpata nyi àjèɖàtɔwo.”

¹²Nukɛ mù la wɔ̀ na Tɔhonɔ̀ ɖo ènyuɛ̃ kè e wɔ̀ na mù a tèpe ò?

¹³Mù la kɔ jiɖùɖu be kɔpòa yì ji eye mù la yɔ Tɔhonɔ̀ be nyikɔ.

¹⁴Eye mù la tu ègbèɖoɖo nyèa be èfɛ̃ na Tɔhonɔ̀ lè yebe dùkɔ̃a be ŋùkɔ̀.

¹⁵Tɔhonɔ̀ be àmè kɔ̀kɔ̀ɛwo be èku nyi ènu xɔ̀asì ɖe lè yebe ŋùkumè

¹⁶Tɔhonɔ̀, àpo sumɔ̃vi ye mù nyi. Ɛ̃ɛ àpo sumɔ̃vi, àpo sumɔ̃vi nyɔ̃nù be vi ŋusù. Wò sò àpe kɔ̀sɔ̀kɔsɔawo jo.

¹⁷Mù la sa kàfù kafu vɔsa na wò eye mù la yɔ Tɔhonɔ̀ be nyikɔ.

¹⁸Eye mù la tu ègbèɖoɖo nyèa be èfɛ̃ na Tɔhonɔ̀ lè yebe dùkɔ̃a be ŋùkɔ̀,

¹⁹lè Tɔhonɔ̀ be àxuea be àgbàsa mè, lè àpo dòdò mè, Yèruzàlɛm. Mì jì kafu-ha na Tɔhonɔ̀!