Read gen Èhàwo 118 Bible Online

Èhàwo 118 - gen bible

Èhàwo 118

¹Mì doàkpe na Tɔhonɔ̀, ɖo e nyi àdɔ̀mèfàtɔ eye yebe lɔ̃lɔ̃ a lè tɛ̀gbɛ̀.

²Na Izràɛl ne gbà gblɔ̃ be: “Yebe lɔ̃lɔ̃ a lè tɛ̀gbɛ̀!”

³Na Arɔ̀n be àxuedo ne gbà gblɔ̃ be: “Yebe lɔ̃lɔ̃ a lè tɛ̀gbɛ̀!”

⁴Na àmè kèwo dona bùbu Tɔhonɔ̀ ŋutia ne gbà gblɔ̃ be: “Yebe lɔ̃lɔ̃ a lè tɛ̀gbɛ̀!”

⁵Mù yɔ Tɔhonɔ̀ lè gbledo be hùenu, eye e tɔ̀ na mù. E na mù kpɔ vòvo.

⁶Tɔhonɔ̀ lè gbɔ nyè, nyè mu la vɔ̃ ò. Nukɛ àgbètɔ la teŋu wɔ̀ kudo mù?

⁷Tɔhonɔ̀ lè gbɔ nyè, e va xɔ̀ ènyà ɖo èta nyè. Eye mù le kpɔ kɛ̃tɔ nyèwo be ŋùkpɛ̃ ɖùɖu.

⁸E nyɔ ne woa wla ɖo Tɔhonɔ̀ gbɔ sɔ wu be woa dojì ɖo àgbètɔwo ŋuti.

⁹E nyɔ ne woa wla ɖo Tɔhonɔ̀ gbɔ sɔ wu be woa dojì ɖo àmègãwo ŋuti.

¹⁰Dùkɔ̃ buwo kpata pòhla do mù gòdòo, mù crɔ̃ wo lè Tɔhonɔ̀ be nyikɔ mè.

¹¹Wo pòhla do mù gòdò: Ɛ̃ɛ, mù crɔ̃ wo lè Tɔhonɔ̀ be nyikɔ mè.

¹²Wo pòhla do mù gòdò sìgbè ànyiwo nène, eye wo ci vĩ sìgbè àŋùja be èzò nène. Mù crɔ̃ wo lè Tɔhonɔ̀ be nyikɔ mè.

¹³Wo tùtù mù, sɛ̃sɛ̃ɖe ku àdã ne ma jè ànyi, vɔ̀a, Tɔhonɔ̀ kpe ɖo ŋuti nyè.

¹⁴Tɔhonɔ̀ ye nyi àpe ŋusɛ̃. Mù la jì èhà na ɛ̀ e ye hlùɛ̃ mù gã.

¹⁵Mì ɖo èto jìjɔɛ be àpa kudo èhà kèwo le ɖì lè àmè kèwo sènà ètonu na Mawu a be gòxɔwo mè be: “Tɔhonɔ̀ wɔ̀ kãlì.”

¹⁶E na mi èjiɖùɖu: “Tɔhonɔ̀ wɔ̀ kãlì.”

¹⁷Aò! Nyè mu la ku ò, vɔ̀ mù la nɔ̀ àgbè sɔ ɖè Tɔhonɔ̀ be ènu jɔ̀ àsuwo fiɔ.

¹⁸Nyàwo! Tɔhonɔ̀ dɔ̃ èto na mù ŋutɔ, vɔ̀, mu do mù àsi na èku ò.

¹⁹Mì hũ ànùkuamèwo be àgbowo na mù ne ma ɖo woa mè. Mù la yì doàkpe na Tɔhonɔ̀.

²⁰Tɔhonɔ̀ be àgbo ye; ànùkuamèwo ne ɖo e mè.

²¹Mù le doàkpe na wò Tɔhonɔ̀, ɖo wò ɖo èto mù eye wò hlùɛ̃ mù gã.

²²Èkpe kè èxɔ̀tùtɔwo gbea, ye va trɔ zũ koŋùjikpe gãa.

²³Tɔhonɔ̀ ye wɔ̀ ekèa. E nyi ŋùdãnu lè miabe ŋùmè.

²⁴Kpɔɖa ŋùkèkè kè Tɔhonɔ̀ wɔ̀a ye kè, mì na mia jɔ̀jì, gbà haya lè e mè.

²⁵Aò! Tɔhonɔ̀ hlùɛ̃ mi gã! Aò! Tɔhonɔ̀ na mi èjiɖùɖu!

²⁶Sìtuɖèɖe ye la nyi na àmè kè gbãnà lè Tɔhonɔ̀ be nyikɔ mèa! Mi le tu sì na mì so kaka yebe mawuxɔa mè.

²⁷Mawu ye nyi Tɔhonɔ̀ kè kɔ̀ yebe kɛ̃klɛ̃ ɖo mia jia. Mì le àzãwo ɖo àsi eye mìa bla vɔsa be èlãa ɖo vɔsakpea be àzòwo ŋuti.

²⁸Wò nyi àpe Mawu eye mù le doàkpe na wò Mawu nyè, mù jèsì àpo gãnyinyia.

²⁹Mì doàkpe na Tɔhonɔ̀, ɖo e nyi àdɔ̀mèfàtɔ eye yebe lɔ̃lɔ̃ a lè tɛ̀gbɛ̀.