Read gen Èhàwo 12 Bible Online

Èhàwo 12 - gen bible

Èhàwo 12

¹David be Èhà, kè wo ɖè lè hàsìnɔ̀ gã be xoma mèa. Wo jìnà ɛ̀ kudo kàsãŋùgu kè ɖo èkà ènyia.

²Hlùɛ̃ mi gã, Tɔhonɔ̀! Èxlɔ̃ wɔ̀ ànùkua mu gbà lè ò, nyàwototɔwo dɛ̃ lè ànyigbã ji.

³Àmèwo ɖànàjè na woa nɔ̀nɔwo kpò, àɖe èvè ye lè woa si. Wo mu donajì ɖo woa ŋuti ò.

⁴Tɔhonɔ̀, crɔ̃ àmè kèwo dona ègòyigbe kudo àmèflùtɔwo kpata.

⁵Àmè kèwo gblɔ̃nà be: “To miabe àɖewo mè, mi nyi àmè sɛ̃sɛ̃wo, mi nya ènupo pòpo, mi mu le vɔ̃ àmè ɖekpe ò.”

⁶Vɔ̀ Tɔhonɔ̀ gblɔ̃ be: “Fifìa, mù la ɖè àbɔ sɛ̃sɛ̃ nyèa fiɔ, ɖo, àmè kèwo wo zĩ ɖo ànyi kudo wɔ̀amènɔ̀ kèwo le fã àviawo ŋuti. Mù la kpe ɖo àmè kè wo zĩ ɖo ànyi a ŋuti.”

⁷Tɔhonɔ̀ be ènyàwo nyi ènyà kɔ̀kɔ̀ɛ ceŋu-ceŋu sìgbè klòsalò kè wo kɔ̀ lè èzò mè zè adrɛ̃ a nène.

⁸Èwò Tɔhonɔ̀, wò kpɔna wɔ̀amènɔ̀wo ji. Wò la ɖia mi tɛ̀gbɛ̀ lè àmè bàɖàwo be ŋùkɔ̀.

⁹Àmè kèawo bɔ lè àfi sia àfi eye èzãnuɖùɖu xɔ̀ xixea keŋu.