Read gen Èhàwo 121 Bible Online

Èhàwo 121 - gen bible

Èhàwo 121

¹Èmɔzɔ̃zɔ̃ be Èhà. Mù kɔ ŋùmè yì ji le kpɔ ètowo ji be fikɛ àlɔ̀do la so va na mù ò?

²Àlɔ̀doa la so Tɔhonɔ̀ kè ɖo jiŋùkusi kudo ànyigbã gbɔ na mù.

³Mu la na wò la ɖiɖi jè ànyi ò. Àmè kè le ɖia wòa, mu dɔ̃na kɔ̀lɔ̃ɛ̃ ò.

⁴Kpao, Izràɛl jikpɔtɔa mu dɔ̃na kɔ̀lɔ̃ɛ̃ kaka la dɔ̃ àlɔ̃ ò.

⁵Tɔhonɔ̀ ye la kpɔ èji wò. Tɔhonɔ̀ ye le ɖia wò, e lè àhàdamè na wò.

⁶Dɔ̃ŋùkusu mu la ɖù wò lè kedè ò, wètri cã mu la kpɔ wò lè èzã mè ò.

⁷Tɔhonɔ̀ la kpɔ [21] èji wò lè àpo màɣewo kpata mè. E la kpɔ àgbè wòa ji.

⁸Tɔhonɔ̀ la kpɔ èji wò lè àpo toto mè kaka va ɖo àpo gbɔ̀gbɔ mè, so fifì kaka sɔ yì!