Read gen Èhàwo 122 Bible Online

Èhàwo 122 - gen bible

Èhàwo 122

¹David be èmɔ̃zɔ̃zɔ̃ be Èhà Èjì jɔ̀ mù kè wo gblɔ̃ na mù be: mì na mia yì Tɔhonɔ̀ be àxomè.

²Mi la nɔ̀tè lè àpo àgbowo be ŋùkɔ̀, Yèruzàlɛm,

³Oò Yèruzàlɛm, èdù kè wo tù eye yebe èkpawo ca ɖo woa nɔ̀nɔwo ŋuti tɔ̀xɛa.

⁴Gbɔ wò ye Izràɛl be kɔ̀tawo, Tɔhonɔ̀ be kɔ̀tawo la va kafu Tɔhonɔ̀ lè, to èmɔ̃zɔ̃zɔ̃wo mè. Sɔ zɔ̃ ɖo Izràɛl be èsea ji.

⁵Ɖo gbɔ wò ye Izràɛl be èfìɔzìkpewo lè. Funu ye wo nɔ̀nà sɔ sònà kòjo.

⁶Mì biɔ ŋuti fàfa na Yèruzàlɛm. “Àmè kèwo lɔ̃ wòa, wo nɔ̀nà fàfa mè!

⁷Fàfa ne nɔ̀ àpo àgbowo mè, eye nyɔna ne nɔ̀ àpo fìɔsawo mè.”

⁸Ɖo nɔ̀vi nyèwo kudo èxlɔ̃ nyèwo ŋutia, mù le biɔ ŋuti fàfa na wò.

⁹Mù le biɔ ɖàgbè na wò ɖo Tɔhonɔ̀ miabe Mawu be àxuedo a ŋuti.