Read gen Èhàwo 124 Bible Online

Èhàwo 124 - gen bible

Èhàwo 124

¹David be èmɔ̃zɔ̃zɔ̃ be Èhà. Ne Tɔhonɔ̀ tɔ̀ dɛ̃ lè e mèa, Izràɛl ne gblɔ̃ fifìa be:

²Ne Tɔhonɔ̀ tɔ̀ dɛ̃ lè e mèa, kè ne àmèwo sitè ɖo mia ŋutia,

³wo kè mì mi àgbèagbè wàlɛbɛ kè wo do àdɔ̀mèze ŋutɔ ɖo mia ŋutia.

⁴Èsì kè ɖè mi keŋu-keŋu, ètɔ̀ wɔ̀adã ɖe kè ɖè mi ɖonu.

⁵Eye èsì wɔ̀adãwo kè srà to mia ji.

⁶Àkpe na Tɔhonɔ̀! Ɖo mu gble mi ɖɛ sìgbè àdègbe be èlã nène ɖo woabe ènuwo mè ò.

⁷Mi teŋu si lè xèviletɔwo be èɖɔawo mè sìgbè xèviwo nène. Èɖɔawo zɛ̃ eye mi si.

⁸Miabe àlɔ̀dotɔa ŋutɔ ye nyi Tɔhonɔ̀ kè ɖo jiŋùkusi kudo ànyigbã.