Read gen Èhàwo 135 Bible Online

Èhàwo 135 - gen bible

Èhàwo 135

¹Mì jì kafu-ha na Tɔhonɔ̀! Mì kafu Tɔhonɔ̀ be nyikɔ. Mìa yebe sumɔ̃viwo, mì jì kafu-ha na Tɔhonɔ̀.

²Mì àmè kèwo ye lè Tɔhonɔ̀ be mawuxɔa mè, lè miabe Mawu be àxuea be gbàjà jia!

³Mì jì èhà na Tɔhonɔ̀ ɖo e nyɔ. Mì jì èhà na yebe nyikɔ ɖo e nyi àdɔ̀mèfàtɔ.

⁴Tɔhonɔ̀ cã Yakɔb be dùkɔ̃a na ye ɖokoe, e sɔ Izràɛl sìgbè àdɔ̀kùnɔ̀ nène.

⁵Ɛ̃ɛ, mù nya be Tɔhonɔ̀ lòlò, mia Petɔa wugã vòduwo keŋu

⁶Tɔhonɔ̀ wɔ̀nà ènu kè e jro a lè jiŋùkusi kudo ànyigbã ji, lè àpùwo kudo ègũ cicriwo mè.

⁷E nana ye lilikɔ̃wo hɔ̃nà yì ji lè xixea be nukpòpewo, e nana èji kènàzò. E dɔ̃nà àya to lè fikè be wla ɛ̀ ɖoa.

⁸Tɔhonɔ̀ ye pò Ejiptè be ŋùkɔ̀gbeviwo wù, gbà wù èlãwo cã tɔ̀.

⁹E ɖo jèsìdo kudo ŋùdãnuwo ɖoɖa àpo dòdòmè, Ejiptè, e ɖo wo ɖoɖa Faraɔ̀n kudo yebe sumɔ̃viawo ji.

¹⁰E pò dùkɔ̃ gbogbo ɖewo, e wù èfìɔ sɛ̃sɛ̃wo:

¹¹Àmorì be èfìɔ Sihɔ̀n; Bàcam be èfìɔ Ɔg kudo Kanàn be èfìɔwo.

¹²Tɔhonɔ̀ sɔ woabe ànyigbã sɔ wɔ̀ ècrɔ̃nu eye e ma ɛ̀ na Izràɛl, yebe dùkɔ̃a.

¹³Tɔhonɔ̀ àpo nyikɔ la nɔ̀ ànyigbã ji tɛ̀gbɛ̀dò. Àpo ŋùɖo la nɔ̀ ànyi so jìjimè yì jìjimè.

¹⁴Ɛ̃ɛ, Tɔhonɔ̀ sònà jɔ̀jɔɛ na yebe dùkɔ̃. E kuna ŋuzĩzĩ na àmè kèwo le sumɔ èa.

¹⁵Wo sɔ sìka àlo klòsalò sɔ wɔ̀ dùkɔ̃ kpɔ̀tɛawo be vòduwo. Àmè be àlɔ̀ ye wo sɔ wɔ̀ wo.

¹⁶Wo ɖo ènu vɔ̀, wo mu teŋu ɖùnà ènu ò. Wo ɖo ŋùkuviwo co, wo mu kpɔna ènu cã ò.

¹⁷Wo ɖo ètowo vɔ̀, wo mu sènà ènu ò. Ègbè ɖe mu ɖìnà lè èkɔ̀nu na wo ò.

¹⁸Àmè kèwo wɔ̀ wo kudo àmè kèwo sɔ woabe ŋùɖo dà ɖo woa jiawo lè sìgbè woa ŋutɔ ke nène.

¹⁹Izràɛl be kɔ̀tawo, mì doàkpe na Tɔhonɔ̀. Arɔ̀n be àxuedo a ne doàkpe na Tɔhonɔ̀.

²⁰Levì be àxuedo a, mì doàkpe na Tɔhonɔ̀. Mì àmè kèwo dona bùbu Tɔhonɔ̀ ŋutia, mì doàkpe na ɛ̀.

²¹So kaka Yèruzàlɛm, mì doàkpe na Tɔhonɔ̀ kè ɖo nɔ̀pe ɖo Ziɔ̀n be ètoa jia. Mì jì kafu-ha na Tɔhonɔ̀!