Read gen Èhàwo 137 Bible Online

Èhàwo 137 - gen bible

Èhàwo 137

¹Mi bɔ̀bɔ̀ nɔ̀ ànyi lè Babɛ̀l be ètɔ̀sàsrawo to, le fã àvi lè funu wàlɛbɛ kè mi le ɖoŋùku Yèruzàlɛm jia.

²Mi sɔ miabe èhɛ̀awo kpla ɖo àti kèwo lè funuawo ŋuti.

³Nène a, àmè kèwo le mi yì gàtɔnugbeawo biɔ be mia jì èhà. Àmè kèwo ɖiki mia biɔ be mia jì jìjɔɛ be èhà. Wo gblɔ̃ be: “Mì jì Yèruzàlɛm be èhà ɖèka na mi!”

⁴Àleke wɔ̀ mi la jì Tɔhonɔ̀ be èhà lè ànyigbã bu ji ɖo?

⁵Aò Yèruzàlɛm, ne mù ŋlɔ̀be wòa, eŋuã ɖùsilɔ nyèa cã ne ŋlɔ̀be mù.

⁶Ne àpe ŋùkuvi mu lè Yèruzàlɛm ji òa, eye mu gbà nyi àpe jìjɔɛ donu tɔ̀xɛ òa, eŋuã àpe àɖe ne tɛ ɖo ènu mè na mù.

⁷Aò Tɔhonɔ̀, ɖoŋùku ènu kè Edɔ̀mviwo gblɔ̃ wàlɛbɛ kè Yèruzàlɛm ci àsia. Wo gblɔ̃ be: “mì crɔ̃ èdùa, mì crɔ̃ ɛ̀ ɖiwa-ɖiwa!”

⁸Aò Babɛ̀l be èdù! Wo la crɔ̃ wò. Jɛ̀jrɛ̀ na àmè kèwo sɔ̀gbè la tu àlekè wò hɛ̃ mi ɖoa be èfɛ̃ na wòa.

⁹Jɛ̀jrɛ̀ na àmè kèwo la le èvi wòwo eye wo la zĩ wo na èkpea.