Read gen Èhàwo 138 Bible Online

Èhàwo 138 - gen bible

Èhàwo 138

¹David tɔ̀. Tɔhonɔ̀, mù le doàkpe na wò so kaka èjì mè ke, mù la kafu wò lè vòduwo be ŋùkɔ̀.

²Mù la jè èklò lè àpo àdo kɔ̀kɔ̀ɛa be ŋùkɔ̀. Mù le doàkpe na wò ɖo àpo lɔ̃lɔ̃ kudo àpo ègbèjinɔ̀nɔa ŋuti. Ɛ̃ɛ, wò wɔ̀ ɖo àpo ègbèɖèɖea ji wu àlekè mi le susu ìa.

³Gbè kè gbè mù yɔ wòa, wò tɔ̀ na mù. Eye wò na mù jìdopò gbà do mù ŋusɛ̃.

⁴Tɔhonɔ̀, ànyigbã ji be èfìɔwo kpata la doàkpe na wò, ɖo wo la sè àpo ènumènyawo.

⁵Wo la jìhà lè àpo wɔ̀nawo be ŋùkɔ̀ gblɔ̃ be: “Tɔhonɔ̀ be gogoa lòlò lo!

⁶Tɔhonɔ̀ lè jiŋùkusi co, e le kpɔ ɖo e mè na àmè hɔlɔɛwo [24] Eye e dona jèsi ègòyitɔwo so kaka àzɔ̀ge boo.”

⁷Ne mù gbà le to èfũ mè cã, wò la gbìgbɔ̀ mù va àgbè mè Wò la drɛ̃ àlɔ̀ tɔ kɛ̃tɔ nyèwo lè woabe àdɔ̀mèze mè, eye àpo ɖùsilɔa la hlùɛ̃ mù.

⁸Tɔhonɔ̀ la wu èdɔ kè ji be tɔ kudo mù a nu pɛpɛpɛ. Aò Tɔhonɔ̀, àpo lɔ̃lɔ̃ a lè tɛ̀gbɛ̀, mù gbà ɖèkɔ̀ lè àlɔ̀nudɔ wòwo ŋuti ò.