Read gen Èhàwo 14 Bible Online

Èhàwo 14 - gen bible

Èhàwo 14

¹David be Èhà, wo ɖè è lè hàsìnɔ̀ gã be xoma mè. Yɛ̀yìnɔ̀ gblɔ̃nà lè yebe èjì mè be: “Mawu mu ɖo ŋusɛ̃ ɖe ò!” Àmè gbegble, àfɛ̃nuwɔ̀tɔ ye wo nyi, ènunyuɛ̃wɔ̀tɔ ɖekpe mu lè woa dòmè ò.

²So jiŋùkusi, Tɔhonɔ̀ ɖè ŋùku kpɔ àgbètɔ be viwo lè ànyigbã ji; Sɔ le kpɔ be ènunyatɔ ɖe lè kè le ji Mawu be èmɔ̃a mà a.

³Woa kpata trã èmɔ̃, wo trɔ zũ èzãnuɖùtɔwo sɔ̃ŋu. Ènunyuɛ̃wɔ̀tɔ ɖekpe mu lè ò, ɖèka tètè mu lè ò!

⁴Tɔhonɔ̀ gblɔ̃ be: “Àmè kèwo le wɔ̀ ènu bàɖàwo mu kpɔ ŋɔjè e mè hàɖea? Wo sɔ àpe dùkɔ̃a wɔ̀ ènuɖùɖu le ɖù mà kpɔ ŋùgbe. Eye wo mu le fã yɔ mù ò.”

⁵Eŋuã, vɔ̃vɔ̃ gã ɖe ye la jè woa ji, ɖo Mawu lè kudo àmè kèwo sènà ègbè na ɛ̀a.

⁶Mì le kò ènuwɔ̀donɔ̀wo, vɔ̀, Tɔhonɔ̀ kpɔna woabe ɖoɖowo ji.

⁷Aò, àmè kɛ ye la so Yèruzàlɛm la va hlùɛ̃ Izràɛl gã ò? Wàlɛbɛ kè Tɔhonɔ̀ la gbìgbɔ̀ trɔ yebe dùkɔ̃a be àgbènɔ̀nɔa, Yakɔb be viwo la ɖuwè eye Izràɛl la kpɔ jìjɔɛ.