Read gen Èhàwo 142 Bible Online

Èhàwo 142 - gen bible

Èhàwo 142

¹David be ènufiɔfiɔ. Kuefã, wàlɛbɛ kè e yì bè ɖo àkpãdo mèa.

²Mù le blìbɔ̀ le yɔ Tɔhonɔ̀ ku ègbè lelele. Ku ègbè lelele, mù le do àpa yɔ Tɔhonɔ̀.

³Mù le ɖè ènuhàha nyèwo ɖo ŋùkumè na ɛ̀, mù le gblɔ̃ àpe àyàwo na ɛ̀.

⁴Wàlɛbɛ kè mù gbɔjɔa, wò nya fikè mù tùtàa. Wo tre èmɔ̃ na mù ɖo èmɔ̃ kè ji mù le zɔ̃a.

⁵Ɖè èkɔ̀ kpɔ àpe ɖùsimè ne wòa kpɔ; àmè ɖekpe mu gbà kpɔ mù jèsi ò. Nyè mu gbà nya fikè tutu mù la kpɔ tabèpe lè ò, àmè ɖe mu gbà le kpɔ gbɔ nyè ò.

⁶Mù do àpa yɔ wò Tɔhonɔ̀. Mù gblɔ̃ be: “Èwò ye nyi àpe tabèpe kudo àpe àdɔ̀kùnuwo lè àmè àgbèagbèwo be ànyigbã ji.”

⁷Mù lè àyà kisɛkisɛ mè, ɖo èto àpe àpadodo. Hɔ̀ mù lè àmè kèwo tĩ yo nyè mèawo si. Wo sɛ̃ŋu wu mù.

⁸Ɖè mù to lè gàkpa mè, eŋuã, mù la doàkpe na wò. Àmè kèwo sènàtonu na Mawu a, la bɔ̀ trɔdo mù gòdòo, ɖo wò wɔ̀ ɖàgbè na mù.