Read gen Èhàwo 143 Bible Online

Èhàwo 143 - gen bible

Èhàwo 143

¹David be Èhà. Tɔhonɔ̀, ɖo èto àpe kuefã, ɖo èto mù ne mù do àpa yɔ wòa. Èwò kè wɔ̀ ànùkua gbà lè jɔ̀jɔɛa, tɔ̀ na mù.

²Àpo sumɔ̃vi mù nyi, mù gbà ɖo kòjo na mù ò. Ɖo àmè ɖekpe mu lè jɔ̀jɔɛ lè ŋùkɔ̀ na wò ò.

³Kɛ̃tɔ nyèa ɖè mù ɖonu, e sɔ mù pu ànyi ne bèa ɖiki mù. E do mù vìvìti mè sìgbè àmè kèwo ku xoxoawo nène.

⁴Mù gbɔjɔ eye mù bu ŋùɖo.

⁵Mù ɖoŋù gbèɖegbè be ŋùkèkèwo, eye mù trɔ gblɔ̃ ènu kèwo wò wɔ̀ va yìa. Mù dèŋùgblè so àpo àlɔ̀nudɔwo ŋuti.

⁶Mù drɛ̃ àlɔ̀ nyèwo ɖoɖa wò, mù le ŋùkɔ̀ na wò sìgbè ànyigbã pupu kè èsì hùe do a nène.

⁷Tɔhonɔ̀ tɔ̀ na mù jro, mù gbɔjɔ keŋu-keŋu! Mù gbà wla àpo ŋùkumè do mù ne ma ci sìgbè àmè kèwo le ɖiɖi jè èyɔ̀ mèa nène ò.

⁸Na ma kpɔ àpo lɔ̃lɔ̃ a so fɔ̃fɔ̃ mè ke, ɖo mù dojì ɖo ŋuti wò. Na ma nya èmɔ̃ kè ji mù la zɔ̃a, ɖo gbɔ wò ye mù trɔ ɖoɖa.

⁹Mù wla ɖo gbɔ wò Tɔhonɔ̀, hlùɛ̃ mù lè kɛ̃tɔ nyèwo si mè.

¹⁰Èwò ye nyi Mawu nyè, fiɔ mù ma nɔ wɔ̀ ɖo àpo èjro ji. Na àpo gbɔ̃gbɔ̃a ne nɔ kplɔ̀ mù kudo àdɔ̀mè nyuɛ̃ lè ànùkua be ànyigbã ji.

¹¹Tɔhonɔ̀ na mù àgbè sɔ ɖè gogo nyikɔ wòa fiɔ! To àpo ànùkua jia, wò la ɖè mù to lè àyà mè.

¹²Hàɖo àpo lɔ̃lɔ̃ màgũa ŋuti ne wòa ɖè kɛ̃tɔ nyèwo jo. Wò la crɔ̃ àmè kèwo keŋu sitè ɖo ŋuti nyèa, ɖo àpo sumɔ̃vi ye mù nyi.