Read gen Èhàwo 20 Bible Online

Èhàwo 20 - gen bible

Èhàwo 20

¹David be Èhà kè wo ɖè lè hàsìnɔ̀ gã be xoma mèa.

²Tɔhonɔ̀ ne ɖoto wò lè èfũ-zã gbè, Yakɔb be Mawu a ne kpɔ ji wò.

³Ne ɖo àlɔ̀do ɖoɖa wò so yebe Nɔ̀pe Kɔ̀kɔ̀ɛ, ne do wò ŋusɛ̃ so Ziɔ̀n!

⁴Ne ɖoŋùku àpo ènunana vɔ̀sawo keŋu ji, ne ɖè àsi xɔ̀ àpo ènumème vɔ̀sawo.

⁵Ne na wò, sɔ zɔ̃ ɖo àpo èjro ji, ne gbà dà àsi ɖo àpo ɖoɖowo kpata ji.

⁶Nène a, mi la do jìjɔɛ be àpa lè àpo jiɖùɖu mè, eye mi la kɔ àplãŋugawo yì ji, lè Mawu be nyikɔ mè. Tɔhonɔ̀ ne dà àsi ɖo ènu kè wò le fãbiɔa ji na wò.

⁷Fifìa, mù nya ɛ̀ be: “Tɔhonɔ̀ la hlùɛ̃ èfìɔ kè ye ŋutɔ cã a; e ɖoto è so kaka yebe Nɔ̀pe Kɔ̀kɔ̀ɛ. Yebe àlɔ̀ sɛ̃ŋua la hlùɛ̃ ɛ̀ to ènu jɔ̀asuwo wɔ̀wɔ mè”.

⁸Àmèha ɖewo kã ɖo àhùakèkeviwo ji, èbuwo kã ɖo èsɔwo ji. Mia ya, miabe ŋusɛ̃a ye nyi be mia yɔ Tɔhonɔ̀ miabe Mawu a be nyikɔ.

⁹Wo la trɔ zũ àmè gbɔ̀jɔ̀ gbɔjɔwo eye wo la jè ànyi, e yomè. Mia ya, mi la likè goŋu-goŋu, gbà nɔ̀tè.

¹⁰Tɔhonɔ̀, hlùɛ̃ èfìɔa, gbà ɖoto mi lè hùe kè nu mi le yɔ wòa.