Read gen Èhàwo 26 Bible Online

Èhàwo 26 - gen bible

Èhàwo 26

¹David be Èhà. Tɔhonɔ̀, sò ènyà na mù! Ɖo mù nya àfɔ̀ɖèɖe lè àpe wɔ̀na mè. Mù dojì ɖo Tɔhonɔ̀ ŋuti, nyè mu la ɖiɖi ò.

²Tɔhonɔ̀, ji gɔ̃mè na mù, ne wòa do mù kpɔ. Jrò àpe èjì be gòglòpewo kpɔ.

³Àpo lɔ̃lɔ̃ a lè àpe ŋùkumè, eye mù lè àgbè to àpo ànùkua ji.

⁴Nyè mu dona èha ku yàkàmewo ò, eye nyè mu zɔ̃nà ku àjèɖàtɔwo ò.

⁵Mù crì ènu bàɖàwɔ̀tɔwo be èhadodo, nyè mu dona èha ku àmènyrãkuwo ò.

⁶Mù la klɔ àpe àlɔ̀wo, sɔ ɖè èɖe mànya fiɔ. Mù la trɔ do àpo vɔsakpea, Tɔhonɔ̀,

⁷sɔ do àkpe na wò ku ègbè lele, eye ma nɔ gblɔ̃ àpo ŋùdãnu wɔ̀wɔwo kpata.

⁸Tɔhonɔ̀, mù lɔ̃ àxue kè nyi àpo nɔ̀pea, tèpe kè ye àpo gogoa bɔ lèa.

⁹Mù gbà dɔ̃ èto na mù sìgbè àgɔ̀jètɔwo nène ò. Mù gbà xɔ̀ gbɔ̃gbɔ̃ nyèa sìgbè èhlɔ̃dãtɔwo tɔ̀ nène ò.

¹⁰Wo le bùsu ɖo àsi, wo tàsi woa ɖokoewo na èzãnu ɖùɖu.

¹¹Nyè ya, mù nya àfɔ̀ ɖèɖe lè àpe wɔ̀na mè. Tɔhonɔ̀, hlùɛ̃ mù, ku ŋuzĩzĩ na mù.

¹²Mù le zɔ̃ lè èmɔ̃ kè nyɔa ji. Eye lè àgũtòpòa, mù la na gogo Tɔhonɔ̀.