Read gen Èhàwo 29 Bible Online

Èhàwo 29 - gen bible

Èhàwo 29

¹David be Èhà. Mìa jiŋùkusi be ŋusɛ̃wo[5], mì sɔ nyiɖìɖi kudo hɔ̃hlɔ̃a na Tɔhonɔ̀.

²Mì sɔ bùbu kè jèa na Tɔhonɔ̀ be nyikɔa! Kpɔɖa Tɔhonɔ̀ lè kɔ̀kɔ̀ɛ, mì sɛ̃ ɛ̀ kudo bùbu gã ɖe.

³Tɔhonɔ̀ be ègbè le ɖì lè èsìwo ji. Gogo be Mawu na èji le ɖègbè, Tɔhonɔ̀ ɖo ŋusɛ̃ ɖo èsì gãgãwo ji.

⁴Tɔhonɔ̀ be ègbè ɖèɖe ɖɔ kudo ŋusɛ̃. Tɔhonɔ̀ be ègbè ɖèɖe ɖɔ kudo nyiɖìɖi.

⁵Tɔhonɔ̀ be ègbè ɖèɖe ŋɛ̃ sedàtiwo. Tɔhonɔ̀ ŋɛ̃ Libàn be sedàtiwo ku ŋusɛ̃.

⁶E na Libàn be ètowo tìkpo sìgbè ènyì-suvi nène, eye Hɛrmɔ̀n be ètoa ya, sìgbè ètòvi nène.

⁷Tɔhonɔ̀ be ègbè ɖèɖe nana èzò be kɛ̃klɛ̃ hlɛ̃na.

⁸Tɔhonɔ̀ be ègbè ɖèɖe hũhũna zògbè. Tɔhonɔ̀ hũhũna Kadɛ̀s be zògbèa.

⁹Tɔhonɔ̀ be ègbè ɖèɖe hũhũna àtisuwo. E ɖènà àvesuwo ɖo àma. Vɔ̀, lè yebe mawuxɔa mèa, ènu sia ènu gblɔ̃nà be: “Gogo na Mawu!”

¹⁰Tɔhonɔ̀ nɔ̀ ànyi ɖo yebe èfìɔzìkpea ji lè àpùwo ji. Ɛ̃ɛ, Tɔhonɔ̀ nyi èfìɔ kaka sɔyì.

¹¹Tɔhonɔ̀ la na ŋusɛ̃ yebe àmèwo; Tɔhonɔ̀ la tu sì na yebe dùkɔ̃a, la na ɛ̀ ŋuti fàfa.