Read gen Èhàwo 30 Bible Online

Èhàwo 30 - gen bible

Èhàwo 30

¹Àkpe na Tɔhonɔ̀ kè hlùɛ̃ gãa David be Èhà na mawuxɔa be ŋuti kɔ̀kɔ.

²Tɔhonɔ̀, ɛ̃ɛ mù la mlã wò ɖo wò kɔ mù yì ji. Eye wò mu na èmɔ̃ kɛ̃tɔ nyèwo ò.

³Tɔhonɔ̀ Mawu nyè, èwò mù do àpa yɔ eye wò dà èdɔ̀ na mù.

⁴Tɔhonɔ̀, wò trɔ xɔ̀ èkla nyèa so èkuwode. Wò le mù ɖo àgbè wàlɛbɛ kè mù ɖo èta èyɔ̀ mèa.

⁵Mìa Tɔhonɔ̀ be àmè kɔ̀kɔ̀ɛwo, mì jì èhà na ɛ̀. Mì gbà kafu yebe nyikɔ kɔ̀kɔ̀ɛa.

⁶Ɛ̃ɛ yebe àdɔ̀mèze lè na gàmè viɖe kpò. Vɔ̀, yebe àdɔ̀mè nyuɛ̃a lè tɛ̀gbɛ̀. Àvi fãfã teŋu va lè èzã mè, vɔ̀, lè ŋùdekɛ̃nyɛ mèa, jìjɔɛ la va.

⁷Wàlɛbɛ kè mù lè kpooa, mù susu be: “Nyè mu la jè ànyi gbèɖe ò!”

⁸Tɔhonɔ̀ wò nyɔ, ŋuti wò ye mù dojì ɖo. Vɔ̀ kè wò wla àpo ŋùmè do mù a, vɔ̃vɔ̃ ɖo mù ŋutɔ.

⁹Tɔhonɔ̀, èwò mù fã yɔ. Tɔhonɔ̀ ye mù blìbɔ̀ na.

¹⁰Àlè kɛ ye la nɔ̀ àpe wùwu mè, ne mù ɖiɖi yì èyɔ̀ mè ò? Àmè kukuwo la teŋu kafu wòa? Wo la teŋu ɖè ànùkua wòa fiɔa?

¹¹Ɖoto mù Tɔhonɔ̀, ne wòa ku ŋuzĩzĩ na mù. Tɔhonɔ̀ nyi àpe àlɔ̀dotɔ.

¹²Wò trɔ àviha nyè a wɔ̀ jìjɔɛ be èwè ɖuɖu. Wò ɖè èfũlòvɔ nyèa jo eye wò do àwù yeye[6]na mù.

¹³Nène a, mù la nɔ jì kafu-ha na wò tɛ̀gbɛ̀. Tɔhonɔ̀ Mawu nyè, mù la nɔ do àkpe na wò kaka sɔyì.