Read gen Èhàwo 36 Bible Online

Èhàwo 36 - gen bible

Èhàwo 36

¹Tɔhonɔ̀ be sumɔ̃vi, David be Èhà. Wo ɖè èhà kèa lè hàsìnɔ̀ gãa be xoma mè.

²Nuvuɛ̃wɔ̀tɔ mu ɖo sùsu bu lè yebe èjì mè wu èvuɛ̃wɔ̀wɔ ò. Mawu be vɔ̃vɔ̃ ɖekpe mu lè e mè ò.

³Ɖo e kɔna ye ɖokoe ŋutɔ, ne bèa do jèsìdo yebe àgɔ̀ kaka bèa ve na ɛ̀ ò.

⁴Àjèɖàɖa ku bùsunya ye tona so yebe ènu mè. Ènyuɛ̃wɔ̀wɔ mu ɖo àsìxɔ̀xɔ ɖe na ɛ̀ ò.

⁵Ènudrãwɔ̀wɔ be sùsu ye e ɖènà lè yebe àba ji. Ènuvuɛ̃ be èmɔ̃ be jina eye mu trɔna ŋùgbe do ènu bàɖà ò.

⁶Tɔhonɔ̀, àpo lɔ̃lɔ̃ yì kaka èji, àpo ànùkua sùtè lilikpowo mè.

⁷Àpo jɔ̀jɔɛsòso to èto gãwo ŋuti. Àpo ènyàmèsòso wɔ̀ ègũ sìgbè àpù nène. Tɔhonɔ̀, wò hlùɛ̃nà àgbètɔ ku èlãwo kpata gã.

⁸Mawu nyè, àpo lɔ̃lɔ̃ xɔ̀ àsì ŋutɔ. Àgbètɔwo kpɔ nɔ̀pe lè àpo àwà gɔ̃mè.

⁹Lè àpo àxuea mè ye wò nana wo ènuɖùɖu fuu lè. Wo nùnà lè àpo àdɔ̀mè nyuɛ̃ be ètɔ̀a mè.

¹⁰Èwò mè ye àgbè be jɔ̀sope lè. Àpo kɔ̀kɔ̀ɛa mè ye mi le kpɔ kɔ̀kɔ̀ɛ lè.

¹¹Le àpo hòmèfà lɔ̃lɔ̃ a ɖotè kudo àmè kèwo jèsi wòa, gbà nɔ̀ ànùkuawɔ̀wɔ ji kudo àmè kèwo ɖo èjì mè kɔ̀kɔ̀ɛa.

¹²Mù gbà na ne ègòyitɔ ɖe ne va gbɔ nyè ò, nènea ke mù gbà na ne àmè bàɖà ɖe ne nyà mù ɖogbe ò.

¹³Kpɔɖa, ènu bàɖàwɔ̀tɔwo jè ànyi. Wo tùtù wo pu ànyi eye wo mu la gbà teŋu fɔ̃ sitè ò.