Read gen Èhàwo 39 Bible Online

Èhàwo 39 - gen bible

Èhàwo 39

¹David be Èhà kè wo ɖè lè hàsìnɔ̀ gã Yedutùn be xoma a mè.

²Mù gblɔ̃ sã be: “Mù la kpɔ ɖokoe nyè ji, ne nyè mu gbà dà lè àɖe mè ò. Mù la dogà àpe ènu, lè àmè bàɖà be ŋùkɔ̀.”

³Eye mù le àpe àɖe ɖotè kpoo, nyè mu le kè fĩfĩ ò. Mù bɔ̀nu tototo, vɔ̀ nyè mu kpɔ àlè ɖe ò: Vevesèse nyèa gbà yì e ji kpe è.

⁴Èjì nyè le èzò lè àdɔ̀mè na mù, èhùɛjèjewo trɔ zũ vevesèse. Eye mù tɔ ènupo pòpo gblɔ̃ be:

⁵“Tɔhonɔ̀, na ma nya àpe àgbèa be vɔ̀vɔnu. Ɛ̃ɛ, na ma jèsi hùenu kè kpɔ̀tɔ̀ na mù fifìa. Nène a, mù la nya be nyè mu nyi ènu ɖekpe ò.

⁶Kpɔ, wò wɔ̀ àgbè zã nyèa sìgbè àlɔ̀gba ɖèka be dìdì mè nène. E lè sìgbè ènu gbalo nène lè ŋùku mè na wò. Ne àgbètɔ gbà lè àgbè cã a, e nɔ̀nà sìgbè àya pòpo nène.

⁷E yìnà gbɔ̀nà, vɔ̀ vɔ̃vɔ̃lì kpò be ɖìnà. E dona tùkaɖa na ye ɖokoe sùgbɔ, vɔ̀, ènu sia ènu vɔ̀nà keŋu. E bɔ̀nà ènunɔ̀amèsiwo, vɔ̀a, àmè kɛ ye la va zã wo ò? Mu gbà nya eŋuã ya ò.

⁸Fifìa Tɔhonɔ̀, nukɛ ye mù le tɔtè kpɔ ò? Mù kã ɖo ji wò.

⁹Ɖè mù lè àgɔ̀jèje nyèwo mè. Mù gbà na ne ma ɖì kòkoe na yɛ̀yìnɔ̀wo ò.

¹⁰Fifìa, mù trɔ àmumui, nyè mu kè àpe ènu ò; ɖo àpo wɔ̀wɔ ye.

¹¹Tàsi mù pòpo. Àpo àlɔ̀ kpɛ̃kpɛ̃a be èkpò ɖè ŋusɛ̃ nyèa jo.

¹²Ne wòa sɔ gbe ènyàa, wò dɔ̃ èto na àgbètɔ ɖo yebe àgɔ̀jèje ŋuti. Wò gble yebe ènunɔ̀amèsi àdodoea dòmè sìgbè àlekè èŋɔvi ɖùnà ènu nène. Ɛ̃ɛ, àgbètɔwo nyi ènu gbalo.

¹³Ɖoto àpe kuefã, Tɔhonɔ̀. Kè èto ɖo àpe àvigbea ŋuti. Kpɔ àpe àvifãfãwo. Àmèjro ye mù nyi lè gbɔ wò, èmɔ̃zɔ̃tɔ sìgbè tɔgbe nyèwo ke nène.

¹⁴Tàsi mù ɖɛ viɖe, ne ma teŋu kpɔ jìjɔɛ gbɔ̀xue ne ma yì, gbɔ̀xue ne ma bu keŋu-keŋu.