Read gen Èhàwo 43 Bible Online

Èhàwo 43 - gen bible

Èhàwo 43

¹Mawu nyè, sò jɔ̀jɔɛ na mù! Ɖè kunù na mù lè àmè mà-wɔ̀ ànùkuawo be ŋùmè. Hlùɛ̃ mù gã, lè èvuɛ̃wɔ̀tɔwo ku àmè nyrãkuwo si mè!

²Èwò ye nyi àpe Mawu, àpe àgbògbò! Nukɛ ŋuti wò sɔ mù dãŋùgbe ɖo ò? Nukɛ ŋuti mù la nɔ zɔ̃, la nɔ lòfũ lè kɛ̃tɔ nyèwo be àmè ɖiki gɔ̃mè ɖo ò?

³Ɖo àpo kɛ̃klɛ̃ ku àpo nyàwoa ɖoɖa, ne woa fiɔ mù èmɔ̃. Ne woa kplɔ̀ mù yì èto kɔ̀kɔ̀ɛ wòa ji. Ne woa kplɔ̀ mù yì tèpe kè wò nɔ̀nàa.

⁴Ɛ̃ɛ, mù la yì Mawu be vɔsakpea gbɔ. Mù la yì Mawu kè nyi àpe jìjɔɛ ku àpe vivisèsea gbɔ. Mù la sɔ èkàsãŋùgu mlã wò, aò, Mawu nyè.

⁵Aò, èkla nyè! Nukɛ ŋuti wò ci siayi lè mè nyè, eye wò le xànu ɖo ò? Sɔ ŋùɖo wò ɖo Mawu ji, mù la gbà kafu ì ke, ɖoa, e ye nyi àpe hlùɛ̃gã ku Mawu nyè!