Read gen Èhàwo 45 Bible Online

Èhàwo 45 - gen bible

Èhàwo 45

¹Hàsìnɔ̀ gãa be Èhàlo. Koreà be èviwo be ènufiɔàmè-nya. Lɔ̃lɔ̃ be èhà kè wo la jì ɖo 'sepòpo ɣe' be èhà be ègbè ɖìɖi ji.

²Ènyà nyuɛ̃ viviwo le fìɔ wlàwlàwlà lè èjì nyè mè. Wàlɛbɛ kè mù le jì èhà na èfìɔa, àɖe nyè trɔ zũ àɖàŋù-hàkpàtɔ!

³Wò jɔ̀ àmè wu àgbètɔ be èviwo keŋu. Wo kɔ̀ màje ɖo ènu mè-nya wòwo ji, ɖoa, Mawu tu sì na wò kaka sɔ yì.

⁴Tà èwui wòa ɖo àkpa ɖèka, kãlìwɔ̀tɔ! Sɔ ènyiɖìɖi ku gogo ɖo àcɔ!

⁵Nɔ̀ àpo ènyiɖìɖi mè, ne wòa sɔ èjiɖùɖu yì ŋùkɔ̀ lè nyàwototo, ɖokoebɔ̀bɔ, ku jɔ̀jɔɛwɔ̀wɔ mè. Ɖùsi-lɔ wòa la ɖè ŋɔjinuwo fiɔ wò.

⁶Àpo àŋùti ɖaɖa ne trɔ̃ èjì na èfìɔ be kɛ̃tɔwo; dùkɔ̃wo ne jè ànyi lè àfɔ̀ gɔ̃mè na wò.

⁷Oò Mawu! Àpo èfìɔɖùɖu la nɔ̀ ànyi tɛ̀gbɛ̀. Àpo èfìɔɖùpe be àtikplɔa la nyi jɔ̀jɔɛwɔ̀wɔ be àtikplɔ.

⁸Wò lɔ̃ jɔ̀jɔɛwɔ̀wɔ eye wò crì èvuɛ̃. Ekèa ŋuti ye Mawu, àpo Mawu a do jìjɔɛ be àmì èta na wò, sɔ wò ɖo èhavi wòwo nu ɖo.

⁹Àpo àwùwo keŋu le huɛ̃ fiofio ku lifi, sukɔ̃nì ku àbɛyɛ èkàsãŋùgu be èhà viviwo le so èfìɔsa kèwo wo ɖo àcɔ na ku ènyìɖuawo mè, le do jìjɔɛ na wò.

¹⁰Èfìɔwo be èvi nyɔ̃nùwo lè nyɔ̃nùvi kèwo le do bùbu ŋuti wòawo dòmè. Èfìɔsrɔ̃a do Ɔ̀firò be sìkanu, lètè ɖo ɖùsimè na wò.

¹¹Ɖo èto, nyɔ̃nùvi! Dè ŋùgblè, ne wòa pu èto ànyi! Àpo ŋùku ne jo lè dùkɔ̃ wòa yomè, àpo ŋùku ne jo lè ètɔ wò be àxue yomè.

¹²Na ne àpo tùgbɛ̀jɛ jèjea ne le èjì na èfìɔa. Cɔ̃ ŋùmè ànyi lè ŋùkɔ̀ na ɛ̀. Ɖoa, e ye nyi àpetɔ wò.

¹³Eye Tirò be èdùmètɔwo la hɛ̃ ènunanawo va na wò. Nène a ke ye dùkɔ̃a be àdɔ̀kùnɔ̀wo la jro be yèwoa jè ŋùmè na wò.

¹⁴Èfìɔvi nyɔ̃nùa do àwù kè ŋuti wo lɔ̃ sìka ɖoa, ku gogo ɖèɖe, lè yebe èxɔ̀a mè.

¹⁵Lè yebe àcɔwua mèa, wo kplɔ̀ ɛ̀ le yì èfìɔa gbɔ, nyɔ̃nùvi lè ègbèji kèwo lè e ŋutiawo kplɔ̀ ɛ̀ do. Wo kplɔ̀ wo gbãnà na wò.

¹⁶Wo ɖo èfìɔsaa mè, wo kplɔ̀ wo ɖo èfìɔsa mè. Wo kplɔ̀ wo ɖo e mè ku jìjɔɛ, ku àyosòso.

¹⁷Ŋusùvi wòwo la nɔ̀ ètɔ wòwo tèpe, wò la ɖo wo èfìɔvi lè ànyigbã a keŋu ji.

¹⁸Mù la ɖoŋù nyikɔ wò na jìjimèwo keŋu, nènea, dùkɔ̃wo la nɔ kafu wò kaka sɔ yì.