Read gen Èhàwo 48 Bible Online

Èhàwo 48 - gen bible

Èhàwo 48

¹Koreà be èviwo be kafu-hà.

²E lòlò! Tɔhonɔ̀ lòlò, eye be jè na kafu, lè miabe Mawu be èdùa mè, lè yebe èto kɔ̀kɔ̀ɛa ji.

³Ziɔ̀n-to a yìji ku gogo, e nya kpɔkpɔ, eye be nyi ànyigbã keŋu be jìjɔɛ. Àvego ɖaa, lè Ziɔ̀n be ètoa ji ye Èfìɔ gã be nɔ̀pea lè.

⁴Mawu lè Ziɔ̀n be èfìɔsawo mè. E ɖè ye ɖokoe fiɔ be yè nyi woabe àgbògbò.

⁵Kpɔɖa, wàlɛbɛ kè èfìɔwo ɖo ègbè du, eye wo bɔ̀, zɔ̃ ɖodua;

⁶ekè wo kpɔ ɛ̀ zè ɖèkaa, àdìka sò wo, eye wo si.

⁷Wo tɔ pòpo tìtìtì, ci tèpe ɖèka; lè xànu sìgbè nyɔ̃nù kè le le èkua nène.

⁸Tɔhonɔ̀, wò crɔ̃ wo, sìgbè àlekè èwèzɛ̃pe be àya gbãnà àpùjihũ kèwo ye le yì Tarsòawo nène.

⁹Ènu kè mi sèa, ye mi kpɔ lè Tɔhonɔ̀, àhùakɔ̃wo be Mawu be èdùa mè. Mi kpɔ ɛ̀ lè miabe Mawu be èdùa mè. Mawu likè èdùa, kaka sɔ yì. Ènu bɔ̀ kpoo

¹⁰Aò Mawu, mi le ɖoŋù àpo ànùkua màgblàa, lè àpo mawuxɔa be dòdòmè.

¹¹Àpo kafu yì kaka ànyigbã be nukpòpewo, sìgbè àpo nyikɔa ke nène. Ɖùsi-lɔ wòa, ɖɔ ku jɔ̀jɔɛwɔ̀wɔ sɔ̃ŋu!

¹²Ziɔ̀n-to jitɔwo, ne sò àyo! Yudà be èdùwo ne kpɔ jìjɔɛ ɖo àpo jɔ̀jɔɛsòsoa ŋuti!

¹³Mì zɔ̃ Ziɔ̀n ŋuti! Mì pòxla do è gòdò kpe do. Mì hlɛ̃ yebe èmɔ̃jikpɔxɔ̀wo.

¹⁴Mì le ŋùku ɖo yebe èglìkpawo ŋuti nyuɛ̃ ɖe, mì kpɔ yebe àgbògbòawo, ne mìa sɔ tùxo na jìjimè kèwo lè ŋùgbeawo.

¹⁵Ɖoa, Mawu kèa ye nyi miabe Mawu kaka sɔ yì. Eye be la kplɔ̀ mi kaka sɔ yì èku mè.