Read gen Èhàwo 53 Bible Online

Èhàwo 53 - gen bible

Èhàwo 53

¹David be Èhàlo kè wo ɖè lè Hàsìnɔ̀ gã be xoma mèa, zɔ̃ ɖo “Màhalàt” be ègbè ɖìɖi ji. Ɖo David be ègbè do àsi ji.

²Hɔ̃viwo gblɔ̃nà lè woabe èjì mè be: “Mawu ɖekpe mu lè ò!” Woabe èdɛ̃ nyìnyɔ̀, eye wo wɔ̀nà ènu vlo nyɔŋuwo. Woa dòmètɔ ɖekpe mu wɔ̀nà ènu nyuɛ̃ ò.

³Mawu ɖè ŋùku kpɔ àgbètɔ be èviwo, so jiŋùkusi, be woa dòmètɔ ɖe nyana ènu, eye be jina Mawu mà a.

⁴Woa kpata, wo bu èmɔ̃, eye wo wɔ̀ ɖèka le wɔ̀ ènu nyɔŋuwo. Woa dòmètɔ ɖekpe mu wɔ̀nà ènu nyuɛ̃ ò. Àmè ɖèka tigɔ̃ ŋutɔ cã mu lè ò.

⁵Ènu bàɖà wɔ̀tɔ kèawo, àmè kèwo le tafu dùkɔ̃ nyèa, sìgbè àlekè wo ɖùnà kpɔ̃nɔ nène, eye wo mu sɛ̃nà Mawu òa, wo mu nya ènu kèawo òa?

⁶Vɔ̃vɔ̃ gã ɖe ye jè woa ji ŋua, lè àfi kè àdìka sò àmè mu lè òa! Ɖoa Mawu kãkã àmè kèwo sitè ɖo yebe dùkɔ̃a ŋutia be èpuwo hlɛ̃. Wo do ŋùkpɛ̃ wo, ɖoa Mawu crì wo.

⁷Àmè kɛ ye la na jiɖùɖu Izràɛlviwo so kaka Ziɔ̀n ke ò? Wàlɛbɛ kè Mawu la kplɔ̀ yebe dùkɔ̃ be àhùalewo gbɔ̀a, Yakɔb be jìjimèviwo ne kpɔ jìjɔɛ! Izràɛl be dùkɔ̃a ne sò àyo!