Read gen Èhàwo 54 Bible Online

Èhàwo 54 - gen bible

Èhàwo 54

¹David be Èhàlo kè wo ɖè lè Hàsìnɔ̀ gã be xoma mèa. Wo la pò èkàsãŋùgu ɖo e ŋuti. Ɖo David be ègbè do àsi ji.

²Wàlɛbɛ kè Zifìtɔwo yì gblɔ̃ na Saolò be: “David wla ɖo mia dòmè.”

³Aò, Mawu! Sɔ àpo nyikɔ hlùɛ̃ mù gã! Sɔ àpo ŋusɛ̃ sò jɔ̀jɔɛ na mù!

⁴Aò, Mawu! Sè àpe kuefã! Ɖo èto àpe ènu mè be ènyàwo,

⁵Ɖoa, àmè nyrãkuwo kpe àhùa ku mù, eye, ètamè sɛ̃tɔwo le ji àpe èku. Wo mu kpɔ Mawu ɖo èmɔ̃ ɖe nu ò. Ènu bɔ̀ kpoo

⁶Kpɔɖa, Mawu ye nyi àpe àlɔ̀dotɔ. Tɔhonɔ̀ ye le èkla nyè ɖo àsi.

⁷Ne ɖo èvuɛ̃ tèpe na àmè kèwo le ɖia mù a! Lè àpo ànùkuawɔ̀wɔ mèa, crɔ̃ wo!

⁸Mù la sɔ èjì fàa, savɔ na wò. Aò, Tɔhonɔ̀, mù la kafu nyikɔ wò, ɖoa e nyɔ!

⁹Tɔhonɔ̀ be nyikɔ ɖè mù lè èfũwo keŋu mè. Eye mù le kpɔ kɛ̃tɔ nyèwo sìgbè ènu gbalo nène.