Read gen Èhàwo 58 Bible Online

Èhàwo 58 - gen bible

Èhàwo 58

¹David be Èhàlo na hàsìnɔ̀ gãa. Ɖo “Mù gbà gble ènu ò!” Be ègbèdìɖi ji.

²Mìa ŋùkɔ̀nɔ̀tɔwo, mì tona nyàwo, ne mì le pò nùpoa? Mì sònà ènyà jɔ̀jɔɛ, na àgbètɔ be èviwoa?

³Kpao! Mì nyana, vɔ̀, sònà ènyà gɔ̃glɔ̃. Eye mì sɔ mìabe àlɔ̀wo wɔ̀ èhlɔ̃dãnuwo, kãkã ɖo ànyigbã keŋu ji.

⁴Àmè vuɛ̃wo ɖè ɖovò, so jɔ̀jɔmè ke, so kaka woa nɔ̀wo be àdɔ̀ mè ke. Wo trã èmɔ̃, eye wo ɖànà àjè.

⁵Woabe àɖi lè sìgbè jàkpàtà be àɖi nène. Wo kuna èto sìgbè èdã nène,

⁶ne wo mu gbà sè ègbè na kpajijewɔ̀tɔwo kaka la sè kèwo bi lè kpajijewɔ̀wɔ mèawo tɔ̀ cã ò.

⁷Aò Mawu, ŋɛ̃ àɖu lè ènu mè na wo! Tɔhonɔ̀, hɔ̃ èso na jãŋùta be èvi kèawo!

⁸Na ne woa gu, sìgbè, èsì kè kɔ̀ ɖo ànyi, eye be srà va yìa nène. Ne wo ɖè àŋùtu toa, na ne woabe àŋùtiawo ne kpò.

⁹Na ne woa nɔ̀ sìgbè àbɔ̀bɔ kè srènà ɖo yebe àde mè lè èmɔ̃ jia nène, sìgbè èfu gɛ̃gɛ̃ nènea, èŋù mu gbà kè do wo ò!

¹⁰Gbɔ̀xue àklãŋùti be èzòa ne hìhà mìabe èzewoa, ne wo lè mumu, àlo wo pu cã, Mawu be àdɔ̀mèze gãa la kplɔ̀ wo jo!

¹¹Àmè jɔ̀jɔɛwo la kpɔ jìjɔɛ, ne wo biɔ èhlɔ̃ na wo, wàlɛbɛ kè wo la klɔ woabe àfɔ̀wo, lè àmènyrãkuwo be èhũ mèa.

¹²Wàlɛbɛ ŋua ye àmèwo la gblɔ̃ be: “Nyàwo, fɛ̃tu lè na àmè jɔ̀jɔɛwo! Nyàwo, Mawu ɖe lè, kè ɖona kòjo, lè ànyigbã jia!