Read gen Èhàwo 6 Bible Online

Èhàwo 6 - gen bible

Èhàwo 6

¹David be Èhà kè wo ɖè lɛ̀ hàsìnɔ̀ gã be xoma a mè. Wo jìnà ɛ̀ kudo kàsãŋgu kè ɖo èkà ènyia.

²Tɔhonɔ̀ mù gbà gblehùɛ do mù lè àpo àdɔ̀mèze mè ò; Àpe ènu to lè ŋùmè na wò, vɔ̀ mù gbà dɔ̃ èto na mù ò.

³Ku ŋuzĩzĩ na mù, Tɔhonɔ̀! Nyè mu gbà ɖo ŋusɛ̃ ò! Dà èdɔ̀ na mù, Tɔhonɔ̀, ɖo àpe àmèti bliboa le pò tìtìtì.

⁴Mù ci jojojoe! Tɔhonɔ̀, mù gbà gble mù ɖɛ ò.

⁵Trɔva, Tɔhonɔ̀, hlùɛ̃ mù jro, hlùɛ̃ mù gã ɖo àpo lɔ̃lɔ̃ a ŋuti.

⁶Àmè kuku ɖe mu la teŋu ɖo ŋùku èji wò lè èyɔ̀mè ò. Lè funua, àkpe ɖe mu lè wo la do na wò ò.

⁷Àlenana tìkɔ̀ na mù. Mù fãnà àvi pònà dɔ̃ba nyèa èzãsiazã, àɖàsì nyèwo pò àba nyèa viɔ̃.

⁸Àpe ŋùkumè jo sĩ ɖo ènuxàxa ŋuti, wo le tĩ yo nyè mè kaka nyè mu gbà le kpɔ ènu nyuɛ̃ ɖe ò.

⁹Mìa ènu bàɖàwɔ̀tɔwo kpata mì yì, nyè mu gbà le ji la kpɔ mì ò. Ɖo Tɔhonɔ̀ sè àpe àvigbea.

¹⁰Tɔhonɔ̀ sè àpe àpa dodo, Tɔhonɔ̀ xɔ̀ àpe kuefã.

¹¹Kɛ̃tɔ nyèwo kpata ne ɖɔ ku ŋùkpɛ̃, vɔ̃vɔ̃ ne jè woa ji ne woa hũhũ; Wo ne trɔ ŋùgbe-ŋùgbe zè ɖèka ku ŋùkpɛ̃!