Read gen Èhàwo 62 Bible Online

Èhàwo 62 - gen bible

Èhàwo 62

¹David be Èhà, na hàsìnɔ̀ gãa. Ɖo Yedutùn tɔ̀ ji.

²Mawu gbɔ kpò ye èkla nyè kpɔ gbɔ̃jɛ̃ lè. E ye gbɔ ye àpe hlùɛ̃gã so.

³Ɛ̃ɛ, e ye kpò ye nyi àpe àkpã ku hlùɛ̃gã. E ye nyi àpe àgbògbò, nyè mu la teŋu hùã ò!

⁴Kaka na gà kɛ mè ye mìa kpata mì la nɔ lũ ɖo àmè ɖèka ji, be yèwoa mù ì pu ànyi, sìgbè èglì kè zã ɖo àkpa ɖèkaa nène, àlo èglìkpa kè le hũhũa nène ò?

⁵Ɛ̃ɛ, mì ɖo è be yèwo la ɖiɖi ì pu ànyi, lè yebe nyiɖìɖia mè. Àjèɖàɖa vivina na mì, mì tunasì na àmè ku ènu, vɔ̀a, sɛ̃nakpɛ̃ na àmè lè èjì mè.

⁶Ɛ̃ɛ, èkla nyè kpɔ gbɔ̃jɛ̃ lè Mawu gbɔ kpoo! Ɖoa, ye gbɔ ye àpe ŋùɖo lè.

⁷Ɛ̃ɛ, e ye kpò ye nyi àpe àkpã ku hlùɛ̃gã. E ye nyi àpe àgbògbò, nyè mu la teŋu hùã ò!

⁸Àpe hlùɛ̃gã ku gogo lè Mawu si. E ye nyi àpe àkpã sɛ̃ŋu ku àpe bèbèpe.

⁹Mì, dùkɔ̃wo keŋu, mì dojì ɖo e ŋuti wè sia wè. Mì sɔ mìabe sùsu ɖo yebe ŋùmè, ɖoa, Mawu ye nyi miabe bèbèpe. Ènu bɔ̀ kpoo

¹⁰Ɛ̃ɛ, àyapòpo kpò ye àgbètɔwo nyi, hùɛ̃yiwo nyi àjè sɔ̃ŋu. Ne wo dà woa keŋu kpɔa, wo mu ɖo kpɛ̃kpɛ̃mè ɖekpe ò. Àyapòpo kpò ye wo nyi.

¹¹Mì mu gbà dojì ɖo èhlɔ̃dãdã ŋuti ò, eye mì mu gbà sɔ pàtàpa yigò ò. Ne mìabe àdɔ̀kùnuwo le sùgbɔ ɖo ji cã a, mì mu gbà dojì ɖo woa ŋuti ò.

¹²Mawu gblɔ̃ ènyà ɖèka, vɔ̀a ènyà èvè ye mù sè lè e mè: Ekèa be: Mawu tɔ̀ ye nyi ŋusɛ̃.

¹³Ku ekèa be: Ɛ̃ɛ, Tɔhonɔ̀, tɔ̀ wò ye nyi ànùkua wɔ̀wɔ. Ɖoa, wò ɖona e tèpe na àmè sia àmè, zɔ̃ ɖo àmè sia àmè be èdɔwɔ̀wɔ nu.