Read gen Èhàwo 64 Bible Online

Èhàwo 64 - gen bible

Èhàwo 64

¹David be Èhà, na hàsìnɔ̀ gãa.

²Aò, Mawu, sè àpe ègbè, wàlɛbɛ kè mù le na àlea! Hlùɛ̃ àpe àgbè gã, lè kɛ̃tɔ kè le do ŋùklɛ̃ na mù a si!

³Wla mù do àmè vuɛ̃ kè le doxa na mù lè bèbe mèa, do àmè nyrãkuwo be àdìgbã dodoa.

⁴Àmè kèwo ye ɖa woabe àɖewo ɖɛ, sìgbè èwui nène; àmè kèwo jrà woabe àɖi-nyàwo ɖo ɖɛ, sìgbè àŋùtuwoa.

⁵Ne woa dà kunùmea lè wawla mè. Wo dànà ɛ̀ lè àvò mè, vɔ̃vɔ̃ mà-ɖo tɔ̀!

⁶Wo dona ŋusɛ̃ woa nɔ̀nɔwo lè ɖoɖo vuɛ̃wo mè. Wo le gblɔ̃ be yèwo la tre èmɔ̃ lè àvìmè, Be: “Àmè kɛ ye la kpɔ mi?”

⁷Wo le bla èse na ènu màjɔ̀-màjɔwo wɔ̀wɔ, eye wo le gblɔ̃ be: “Ɛ̃ɛ, mi wɔ̀ ɖoɖo nyuɛ̃ ɖe ɖɛ ŋutɔ!” Àgbètɔ be susu ku èjìmè gòglò ŋutɔ nyàwo!

⁸Gãkea, Mawu la dà wo àŋùti, lè àvò mè! Eye wo la ci àgba.

⁹E la trɔ woa ŋutɔwo be àɖewo kpã ŋùkɔ̀ woa nɔ̀nɔwo. Eye be la sɔ wo pu ànyi, àleke be àmè ɖekpekpe kè la kpɔ woa, la hũhũ èta, sɔ kò wo.

¹⁰Vɔ̃vɔ̃ la jè àgbètɔ-xòmèa keŋu ji. Wo la kãkã Mawu be ènyà, eye wo la dè ŋùgblè, so ènu kèwo Mawu wɔ̀a ŋuti.

¹¹Àmè jɔ̀jɔɛ ne kpɔ jìjɔɛ so Tɔhonɔ̀a ŋuti. Ne sɔ Tohonɔ̀a wɔ̀ yebe bèbèpe, àmè kèwo be èjì lè jɔ̀jɔɛa keŋu la kafu Tɔhonɔ̀!