Read gen Èhàwo 65 Bible Online

Èhàwo 65 - gen bible

Èhàwo 65

¹David be Èhà, lè hàsìnɔ̀ gã be xoma mè. Èhà.

²Kafu ye jè na wò, aò, Mawu kè lè Ziɔ̀n be èdùa mèa. Eye èwò ye wo tuna àjɔ̀gbè be èfɛ̃ na.

³Èwò kè ɖona èto kuefãwoa, èwò ye àgbètɔwo keŋu la va sɛ̃.

⁴Wàlɛbɛ kè èvuɛ̃wɔ̀wɔ ɖù mia jia, èwò yaa, wò tutu miabe àgɔ̀jèjewo jo.

⁵Sìtume ye nyi àmè kè wò cã a, dɔ̃ gogo ɖokoe wò, be ne va nɔ̀ àpo àxomèa! Ènu nyuɛ̃ kèwo ye lè àpo àxue kɔ̀kɔ̀ɛa mèa, nyɔna kèwo ye lè àpo sɛ̃pe kɔ̀kɔ̀ɛa mèa, le ɖɔpò na mi.

⁶Wò sɔna jɔ̀jɔɛwɔ̀wɔ nana mi to ènu jɔ̀ àsuwo mè. Aò, miabe hlùɛ̃gã be Mawu! Èwò ye nyi jìdo na ànyigbã bliboa, kaka yì àpùwo be ènukpòpewo!

⁷Mawu kè sɔ àpo ŋusɛ̃ li ètowoa, Mawu kè sɔ kãlìwɔ̀wɔ bla àlì jia,

⁸Mawu kè ɖona àsi àpùwo be àdãwɔ̀wɔ jia, Mawu kè cina àsrɔ̀kewo be tùkaɖa wɔ̀wɔ nu, Mawu kè fana dùkɔ̃wo be àglajèjewoa.

⁹Àpo ŋùdãdɔwo ɖona vɔ̃vɔ̃, na dùkɔ̃ kèwo ye lè kaka dìdìpea, wò ɖɔ èwèzɛ̃pe ku èwèɖoxɔ̀pewo ku àwuyaya!

¹⁰Wò va ji ànyigbã jitɔwo kpɔ. Wò na wo èsì, wo nù. Wò sɔ àdɔ̀kùnuwo tu sì na ànyigbã a, Mawu be ètɔ̀sàsrawo ɖɔ, ne woa na àgblèmè be ènukuwo dùkɔ̃wo. Àlekea ye wò ɖo ànyigbã a.

¹¹Wò wu èsì àgblèwo, wò pò ànyigbã be èkpowo. Wò na èji jà kɔ̀ ɖo woa ji, wo bɔ̀bɔ̀, eye wò tu sì na ènukuawo.

¹²Wò sɔ ɖàgbèwɔ̀wɔ ɖo àcɔ na èpèa, eye ènuwo keŋu le ji àmì lè àpo àfɔ̀topewo.

¹³Èlãnyìpe kèwo lè zògbè jia ɖɔ gbãgo, ètokɔ̃ɛwo sɔ jìjɔɛ kpɔkpɔ wɔ̀ àwù do.

¹⁴Àlɛ̃gbɔwo ɖɔ ègbegbàjiwo, bàlìwo sɔ èlù be àgblèwo ɖo àcɔ. Eye woa keŋu le jì jìjɔɛ be èhà.