Read gen Èhàwo 66 Bible Online

Èhàwo 66 - gen bible

Èhàwo 66

¹Hàsìnɔ̀ gã be Èhà. Kafu-ha. Mì, ànyigbã jitɔwo kpata mì pò àsikpe sɔ kafu Mawu!

²Mì jì èhà sɔ kafu yebe nyikɔa be gogo! Mì sɔ kàfù kafu na ɛ̀ gogo!

³Mì gblɔ̃ na Mawu be: “Àpo wɔ̀nawo ɖìnyi loò! Àpo ŋusɛ̃ lòlò, àleke be kɛ̃tɔ wòwo vivina ènu mè na wò!

⁴Ànyigbã jitɔwo keŋu sɔna ŋùmè cɔ̃ ànyi, lè ŋùkɔ̀ na wò. Wo jìnà èhà na wò, wo sɔna nyikɔ wò jìnà kafu-ha Ènu bɔ̀ kpoo

⁵Mì va kpɔ ènu kèwo Mawu wɔ̀a ɖa! Àleke yebe kãlĩnuwo sò àdìka na àgbètɔwo ɖoa ɖa!

⁶E trɔ àpù zũ ànyigbã pupu. Àmèwo zɔ̃ àfɔ̀ sò ètɔ̀. Ekèa ŋuti mi la sòayo ɖo.

⁷E sɔ yebe ŋusɛ̃ le ɖùfìɔ tɛ̀gbɛ̀do. Yebe ŋùkuviwo lè dùkɔ̃wo ji, àglajètɔ ɖekpe mu gbà sitè ɖo e ŋuti ò! Ènu bɔ̀ kpoo

⁸Aò dùkɔ̃wo, mì kafu miabe Mawu a, eye yebe kàfù kafu ne ɖì.

⁹E ye le miabe èklawo ɖo àgbè. Eye mu ɖè èkɔ lè àfɔ̀ gɔ̃mè na mi ò.

¹⁰Ɖoa, wò do mi kpɔ, Aò Mawu. Wò kɔ̀ mi, sìgbè àlekè wo kɔ̀nà klòsalòa nène.

¹¹Wò kplɔ̀ mi ɖo ègàxɔ mè, eye wò dro èfũ-gbã kpɛ̃kpɛ̃ ɖo ètù mè na mi.

¹²Wò na, mia havi, àgbètɔwo do mi sìgbè èsɔ nène. Mi to èzò mè, mi to èsì mè. Gãkea, wò ɖè mi to, sɔ mi dà ɖo tèpe nyuɛ̃ ɖe.

¹³Mù la va nɔ̀pe kɔ̀kɔ̀ɛ wòa kudo vɔ̀sawo. Mù la tu àpe àjɔ̀gbè fìãfiã be èfɛ̃ na wò.

¹⁴Àjɔ̀gbè kè mù fìã ku ènuyu nyèwo. Àjɔ̀gbè kè mù fìã, wàlɛbɛ kè mù lè èhiã mèa.

¹⁵Mù la sɔ èlã doàmìwo bɔ̀ ɖo ègbɔsu ku ènyì-suwo ŋuti, eye woabe àzìzɔ la tù va ɖo kaka gbɔ wò. Ènu bɔ̀ kpoo

¹⁶Mì, àmè kèwo keŋu sina Mawu a, mì va ɖo èto ne mìa sè. Mù la gblɔ̃ ènu kèwo keŋu be wɔ̀ na mù a.

¹⁷E ye mù do àpa, fã yɔ; eye àpe àɖe gli ku kafuhawo.

¹⁸Ne mù ɖo èvuɛ̃ ɖe ɖo èjì mèa, Tɔhonɔ̀ mu la kè ɖo èto mù ò.

¹⁹Vɔ̀a, Mawu ɖo èto mù nyàwo! E le èto ɖo àpe kuefã be ègbèa ŋuti.

²⁰Mawu tɔ̀ ye nyi kàfù kafu, Mu ɖè èkɔ̀ lè àpe kuefã ŋuti ò. Mawu kè mu tè mù yebe màje òa.