Read gen Èhàwo 67 Bible Online

Èhàwo 67 - gen bible

Èhàwo 67

¹David be Èhà, na hàsìnɔ̀ gãa. Àkpedo-ha. Wo la pò èkàsãŋùgu ɖo ŋuti.

²Mawu ne ku ŋuzĩzĩ na mi, ne bèa tu sì na mi! Ne na yebe ŋùmè ne klɛ̃ ɖo mia ji. Ènu bɔ̀ kpoo

³Àleke be woa jèsi àpo èmɔ̃wo lè ànyigbã ji. Ne woa jèsi àpo hlùɛ̃gã lè màxɔ̀sètɔwo dòmè.

⁴Dùkɔ̃wo ne kafu wò, Oò Mawu! Dùkɔ̃wo keŋu ne kafu wò!

⁵Màxɔ̀sètɔwo ne gli ku jìjɔɛ, ne woa jì èhà! Ɖoa, jɔ̀jɔɛ ye wò sɔ nɔ̀nà dùkɔ̃wo nu, eye wò kplɔ̀nà dùkɔ̃wo keŋu lè ànyigbã ji. Ènu bɔ̀ kpoo

⁶Dùkɔ̃wo ne kafu wò, Oò Mawu! Dùkɔ̃wo keŋu ne kafu wò!

⁷Nène a, ànyigbã la na yebe nukuwo, eye Mawu, miabe Mawu a la tu sì na mi!

⁸Mawu la tu sì na mi, eye àmè kèwo lè ànyigbã be nukpòpewo keŋu la vɔ̃ ɛ̀!