Read gen Èhàwo 8 Bible Online

Èhàwo 8 - gen bible

Èhàwo 8

¹David be Èhà kè wo ɖè lè hàsìnɔ̀ gã be xoma mèa; wo la jì ì kudo Gatviwo be èkàsãŋùgu.

²Tɔhonɔ̀ miabe Mawu, àpo nyikɔ nyɔ glo lè xixea kpata mè. Àpo gogoa to xixea be gogo ŋuti.

³Ɖèvi kèwo lè ànɔ nu a kudo vifɛ̃ hũkɔ̃ɛ̃wo be ènu mè ye wò ɖè àpo ŋusɛ̃ fiɔ lè kɛ̃tɔ wòwo be ŋùkɔ̀. Nène a ye wò na àmè kèwo sitè ɖo ŋuti wòa be àdɔ̃ jègũ.

⁴Mù ɖè ŋùku kpɔ jiŋùkusi, ènu kèwo àpo àlɔ̀ wɔ̀awo, wètri ku wètrivi kèwo wò ɖo ɖo woabe dɛnua,

⁵eye mù biɔ ɖokoe nyè sè be: “Nukɛ ye àgbètɔ nyi ye wò bùnà yebe èta mè ò? Nukɛ ye àgbètɔ be èvi nyi ye wò lenabè na ɛ̀ ò?

⁶Co, e kpɔ̀tɔ̀ viɖe ne wòa ɖo è sìgbè àpo àtikplɔtɔwo ke nène, eye wò sɔ gogo kudo bùbu sɔ cɔ̃ na ɛ̀.

⁷Wò na ɛ̀ ŋusɛ̃ ɖo àpo àlɔ̀nudɔwo ji, wò sɔ ènuwo kpata ɖo e gɔ̃mè:

⁸Ègbɔwo, àlɛ̃wo ku ènyìwo kpata, kaka jè ègbemèlãwo ji.

⁹Àyamè xèviwo kudo àpù mè be èlãwo gbàkudo ènu ɖoɖo ɖekpekpe kè zɔ̃nà lè àpù mèa.

¹⁰Tɔhonɔ̀, mia Petɔ, àpo nyikɔ nyɔ glo lè xixea kpata mè!