Read gen Èhàwo 82 Bible Online

Èhàwo 82 - gen bible

Èhàwo 82

¹Àsaf be Èhà Mawu le ɖùfìɔ lè jiŋùkusi[11] be èhabɔ̀bɔa nu. E le ɖo kòjo lè kòjoɖotɔwo dòmè le gblɔ̃ be:

²“Kaka na gà kɛ mè ye mì la kpɔ̀tɔ̀ nɔ ɖo kòjo gɔ̃glɔ̃, la nɔ sò jɔ̀jɔɛ na àmè kè jè àgɔ̀a ò? Ènu bɔ̀ kpoo

³Mì nyi kòjoɖotɔ jɔ̀jɔɛwo na àmè gbɔjɔwo ku cɔɛviwo. Mì nɔ sò ènyà jɔ̀jɔɛ na wɔ̀amènɔ̀wo ku àmè kèwo wo le tɛ ɖo ètoa.

⁴Mì ɖè ègà àmè kèwo gbɔjɔwo ku èhiãnɔ̀wo. Eye mì jo wo lè àmè vuɛ̃wo si.

⁵Vɔ̀a, wo mu le nya ènu ɖekpe ò, eye wo mu le sè ènu ɖekpe gɔ̃mè ò. Eye wo le dã lè vìvìti mè. Ekèa na be ànyigbã a be dodoewo keŋu le hũhũ.

⁶Mù le gblɔ̃ be: Mì nyi mawuwo, Èjihũitɔa be èviwo ye mìa keŋu, mì nyi.

⁷Vɔ̀a mì la ku kpò sìgbè àgbètɔwo nène. Mì la jè ànyi kpò sìgbè àleke kplɔ̀tɔ ɖekpe jènà ànyi a nène.”

⁸Aò Mawu! Sitè, ne wòa ɖo kòjo na xixea. Ɖoa, dùkɔ̃wo keŋu nyi àpo ècrɔ̃nu.