Read gen Èhàwo 83 Bible Online

Èhàwo 83 - gen bible

Èhàwo 83

¹Àsaf be Èhà.

²Aò Mawu, mù gbà bɔ̀nu ɖɛ kpo ò. Aò Mawu, mù gbà nɔ̀ kpo, ne wòa zĩ tototo ò.

³Kpɔ àleke kɛ̃tɔ wòwo tɔ̀zĩ ɖa! Àmè kèwo crì wòawo le kɔ èta yì ji.

⁴Wo sɔ àyè le bla èse ɖo dùkɔ̃ wòa ŋuti. Wo le bla èse ɖo àpo lɔ̃lɔ̃tɔwo ŋuti.

⁵Wo le gblɔ̃ be: “Mì va, mia crɔ̃ woabe dùkɔ̃a. Àleke be Izràɛl dùkɔ̃a be nyikɔ ne bu gbidi-gbidi!”

⁶Wo ɖo ègbè èdu, bla èse ne woa wɔ̀ ɖèka ɖo ŋuti wò.

⁷Edɔ̀m be àxuea ku Ismàɛl be àxuea, Mòab be èviwo ku Hagàr be jìjimèviwo.

⁸Gebàlviwo, Amɔ̀nviwo, Àmàlɛkviwo, Filistìtɔwo ku Tirò be èdùmètɔwo.

⁹Àsirìtɔwo ŋutɔ cã va bɔ̀ ɖo woa ŋuti, àleke be woa kpli àsi, sɔ na àlɔ̀do Lɔt be jìjimèviwo. Ènu bɔ̀ kpoo

¹⁰Wɔ̀ ènu kè wò wɔ̀ ku Madìantɔwoa, ènu kè wò wɔ̀ ku Siseràtɔwoa ekè wò wɔ̀ ku Yavìntɔwo lè Kicɔ̀n be tãkua toa, ku wo.

¹¹Wo crɔ̃ lè Eìn-dɔr. Eye wo trɔ zũ ɖiɖɔɛ lè ànyigbã ji.

¹²Wɔ̀ ènu kè wò wɔ̀ na Orɛ̀n ku Zɛb na woabe àmègãwo. Ne wòa wɔ̀ ekè wò wɔ̀ na Zebà ku Zalmunàa na woabe kplɔ̀tɔwo keŋu.

¹³Ɖoa, woawo ye gblɔ̃ be: “Mia xɔ̀ Mawu be nɔ̀pewo wɔ̀ mia tɔ̀!”

¹⁴Mawu nyè, na woa nɔ tro, sìgbè èko pupu, lè àya nu nène.

¹⁵Sìgbè àleke èzò fiɔ̃na àve nène, eye èzò be àɖe bìnà ètowo nènea,

¹⁶sɔ àya gblenu wòa nyà wo ɖonu. Eye woa sɔ àya wɔ̀adã wòa do vɔ̃vɔ̃ na wo!

¹⁷Sɔ ŋùkpɛ̃ cɔ̃ ŋùmè na wo àleke be, Tɔhonɔ̀, woa ji àpo nyikɔ!

¹⁸Àdìka ne sò wo kaka sɔ yì, ne woa ɖìgbɔ. Eye èŋù ne kpɛ̃ wo kaka ne woa crɔ̃.

¹⁹Na ne woa nya be èwò kè be nyikɔ nyi Tɔhonɔ̀a, èwò ɖèka kpò ye nyi Èjihũitɔa, eye èwò kpò ye ɖo ŋusɛ̃ ɖo xixea kpata ji!