Read gen Èhàwo 85 Bible Online

Èhàwo 85 - gen bible

Èhàwo 85

¹Koreà be èviwo be Èhà, na hàsìnɔ̀ gãa.

²Tɔhonɔ̀, wò wɔ̀ àdɔ̀mè nyuɛ̃ na àpo èdùa! Wò gbìgbɔ̀ kplɔ̀ Yakɔb be jìjimèvi kèwo nyi àhùaleawo gbɔ̀.

³Wò sɔ dùkɔ̃ wòa be èvuɛ̃wo kè è, eye wò ŋɛ̃ ŋùku pu yebe ènuvuɛ̃wo keŋu ji. Ènu bɔ̀ kpoo

⁴Wò nɔ̀tè èjìbibi wòa, eye wò trɔ ŋùgbe do àdɔ̀mèze gã wòa.

⁵Aò Mawu, miabe hlùɛ̃tɔ, gbìgbɔ̀ na mi mɔnukpɔkpɔ yeye! Na èjìbibi kaɖi kaɖi wòa ne ɖoɖa lè mia ji!

⁶Wò la jo nɔ̀ àdɔ̀mèze ji, ɖo mia ŋuti kaka sɔ yìa, eye èjìbibi wòa la so jìjimè yì jìjimèa?

⁷Wò mu la gbà gbìgbɔ̀ do àgbè mia mè, àleke be dùkɔ̃ wòa ne gbà sɔ wò kpɔ jìjɔɛa?

⁸Aò Tɔhonɔ̀, ɖe àpo lɔ̃lɔ̃ màtrɔ gbèɖea fiɔ mi, ne wòa hlùɛ̃ mi gã jro!

⁹Fifìa, mù la ɖo èto ènyà kè Tɔhonɔ̀ Mawu la gblɔ̃a. Ɖoa, e fìã ŋuti fàfa be àjɔ̀gbè na yebe dùkɔ̃a. E fĩã ŋuti fàfa be àjɔ̀gbè na yebe àmè kɔ̀kɔ̀ɛwo. Vɔ̀a wo mu ɖo la gbìgbɔ̀ nɔ wɔ̀ woabe ènu fùfluwo ò.

¹⁰Ɛ̃ɛ, yebe hlùɛ̃gã lili àmè kèwo sina ɛ̀a, Àleke be yebe gogo ne nɔ̀ miabe èdùa mè.

¹¹Nène a, Mawu be màje[12] la dogò yebe dùkɔ̃a be ànùkua wɔ̀wɔ, eye Mawu be ŋuti fàfa[13] la nyi fɛ̃tu na àgbètɔwo be jɔ̀jɔɛ wɔ̀wɔ.

¹²Ànùkua wɔ̀wɔ la mìɔ̃ so ànyigbã mè, eye jɔ̀jɔɛ wɔ̀wɔ la ɖiɖi so jiŋùkusi ɖoɖa.

¹³Tɔhonɔ̀ ŋutɔ la na jɔ̀gbènyuɛ̃ nyàwo, eye mìabe ànyigbã a la na yebe ènukuwo.

¹⁴Jɔ̀jɔɛ wɔ̀wɔ la jè ŋùkɔ̀ na ɛ̀. La jrà èmɔ̃ kè ji be la zɔ̃a ɖo.