Read gen Èhàwo 95 Bible Online

Èhàwo 95 - gen bible

Èhàwo 95

¹Oò mì va! Mì na mia jì jìjɔɛ be èhà na Tɔhonɔ̀. Mia do jìjɔɛ be àpa na miabe àkpã sɛ̃sɛ̃, mia hlùɛ̃tɔa.

²Mì na mia to ɖo yebe ŋùku mè kudo àkpedodo be èhàwo, ne mia gbà jì jìjɔɛ be èhà viviwo na ɛ̀.

³Ɖo Tɔhonɔ̀ nyi Mawu gã ɖe, gbà nyi Èfìɔ gã ɖe, pòta na vòduwo keŋu.

⁴E ye nyi àmè kè simè ye ànyigbã a be ègũwɔ̀pewo lè: èkɔ̃wo be àɖɔ̀mè cã nyi e tɔ̀.

⁵Àpùa nyi e tɔ̀, e ye ɖo è; yebe àlɔ̀ ye wɔ̀ ànyigbã pupuia.

⁶Aò mì va, ne mia blìbɔ̀, gbà ɖèkɔ, ne mia jèklò lè Tɔhonɔ̀ miabe èsɛ be ŋùmè.

⁷Ɖo e nyi miabe Mawu, mi nyi yebe ègbegbàjimewo gbà le nyi ègbɔ kèwo ye ŋutɔ le kplɔ̀a. Egbè, ne mì la teŋu sè yebe ègbèa:

⁸“Mì mu gbà trì èjì sìgbè àlekè mìa tɔgbewo wɔ̀ ɛ̀ lè zògbèa ji nène, lè Meribà kudo Masà nène ò.

⁹Gà ŋua mè kè wo tè mù kpɔa, wo nya mù eye wo gbà kpɔ àpe wɔ̀wɔwo.

¹⁰Èpè èkà ɖɔɖɔ ye àpe àdɔ̀mèze blù ɖo jɔ̀jɔ kèa ŋuti, eye mù gblɔ̃ be: “Dùkɔ̃ kèa dàlɛ̀, Àmè kèawo dã àpe èmɔ̃wo.

¹¹Àmè kèwo mù kã àtãŋu na lè àpe àdɔ̀mèze mè be wo mu la ɖota àpe jɛ̃gbɔ̃pe ò.”