Read gen Èhàwo 97 Bible Online

Èhàwo 97 - gen bible

Èhàwo 97

¹Tɔhonɔ̀ ɖùfìɔ, ne ànyigbã ne jɔ̀jì, ne ètɔ̀dòmèkɔ̃ɛ̃ gbogbowo ne jɔ̀jì so ekèa ŋuti.

²Lilikpo yìbɔ pòhla do è, ànùkua kudo jɔ̀jɔɛsòso ji e nɔ̀nà sɔ ɖona kòjo.

³Èzò bìnu lè ŋùkɔ̀ na ɛ̀ le zɔ̃, e le fiɔ̃ yebe kɛ̃tɔwo va kpe gòdò.

⁴Yebe èjikèzò klɛ̃ lè xixea mè. Ànyigbã kpɔ ɛ̀ eye èxa lɔ ɛ̀.

⁵Ètowo srè sìgbè vɛlɛ̀ nène lè àhùadù Tɔhonɔ̀a be ŋùkɔ̀.

⁶Jiŋùkusi ɖè yebe ànùkuawɔ̀wɔ fiɔ eye dùkɔ̃wo kpata kpɔ yebe gogo.

⁷Èŋù ne kpɛ̃ àtikpàkpa sumɔtɔwo kpata; mìa àmè kèwo sɛ̃nà vòduwo ègòyitɔ̀a, mì ku vòduawo kpata, mì jèɖɛ̀ na Tɔhonɔ̀.

⁸Yèruzàlɛm sè eye èjì jɔ̀ ɛ̀. Oò Tɔhonɔ̀, Yudà be èdùwo kpɔ jìjɔɛ ɖo àpo jɔ̀jɔɛsòso ŋuti.

⁹Ɛ̃ɛ Tɔhonɔ̀, wò nyi èjihũitɔa lè ànyigbã keŋu ji eye wò ɖìnyi wu vòduwo kpata.

¹⁰Mì àmè kèwo lɔ̃ Tɔhonɔ̀a, mì na àsà nuvuɛ̃. Ɛ̃ɛ, e cɔ̃na àsi yebe èxlɔ̃ wɔ̀ ànùkuawo be àgbè ji eye e xɔ̀nà na wo lè ènudrãwɔ̀tɔwo be ŋùkɔ̀.

¹¹Kɔ̀kɔ̀ɛ klɛ̃na na àmè kèwo le sè ègbè na Mawu a. Eye jìjɔɛ ɖèɖe kplɔ̀nà àmè kè ɖo èjìmè kɔ̀kɔ̀ɛa.

¹²Mì àmè kèwo sènà ètonu na Tɔhonɔ̀a, mì jɔ̀jì. Mì jì àkpedohàwo sɔ nɔ ɖoŋù yebe nyikɔ kɔ̀kɔ̀ɛa ji.