Read gen Èhàwo 98 Bible Online

Èhàwo 98 - gen bible

Èhàwo 98

¹Èhà. Mì jì èhà yeye ɖe na Tɔhonɔ̀, ɖo e wɔ̀ ènujɔ̀asuwo. Yebe ɖùsilɔ kudo àlɔ̀ kɔ̀kɔ̀ɛa ɖùji na ɛ̀.

²Tɔhonɔ̀ ɖè yebe àmèhlùɛ̃gãa fiɔ. E ɖè yebe jɔ̀jɔɛsòso fiɔ àgbãŋùgbà lè àmèwo dòmè.

³E ɖoŋù yebe lɔ̃lɔ̃ kudo ègbèjinɔ̀nɔ kè be ɖo na Izràɛl be dùkɔ̃a. Ànyigbã jitɔwo kpata kpɔ àlekè Mawu hlùɛ̃ mi gãa.

⁴Mì do jìjɔɛ be àpa na Tɔhonɔ̀. Mìa ànyigbã jitɔwo kpata, mì kpà àbòbo ne mìa jì kafu-ha.

⁵Mì pò èhɛ sɔ jì èhàgbè vivi ɖe na Tɔhonɔ̀.

⁶Èkpɛ̃ kudo èzèwo be ègbè ne nɔ ɖì, sɔ nɔ do jìjɔɛ be àpa lè Tɔhonɔ̀, miabe èfìɔa be ŋùku mè.

⁷Na àpù kudo e mènuwo ne ɖègbè, sìgbè xixea kudo àmè kèwo lè e mèa ke nène.

⁸Na ètɔ̀ àgbòagbòwo ne pò àsikpe, na ètowo kpata ne do jìjɔɛ be àpa lelele,

⁹lè Tɔhonɔ̀ be ŋùkɔ̀; ɖo e gbãnà. Ɛ̃ɛ, e gbãnà la ɖokòjo ku ànyigbã a. E la ɖokòjo ku xixea lè jɔ̀jɔɛsòso mè eye e la sò ènyà na dùkɔ̃wo pɛpɛpɛ.