Read gen Èlododowo 19 Bible Online

Èlododowo 19 - gen bible

Èlododowo 19

¹E nyɔ be woa nyi wɔ̀amènɔ̀ vɔ̀a, woa nɔ nɔ̀ àgbè nyuɛ̃ wu be woa nyi sùkunɔ̀ eye woa nɔ blè àmèwo.

²Ènu kè ŋuti wo mu bù nyuɛ̃ ɖe gbɔ̀xue wɔ̀ òa, mu nyɔna ò. Èjicici nana wo wɔ̀nà ènu gbegble.

³Ènumànya ye kplɔ̀nà àgbètɔ sekunɔ̀tɔ̀ ɖona èmɔ̃ vuɛ̃ ji co, e va dona àdɔ̀mèze ɖo Tɔhonɔ̀ ŋuti.

⁴Ècitɔ ɖona èxlɔ̃ wè sia wè vɔ̀a, èxlɔ̃ ɖèka kè lè wɔ̀amènɔ̀ sia ŋutɔ cã va gblena ɛ̀ dà ɖɛ.

⁵Wo va kona àjèɖàtɔ be èxɔ̀a gbè ɖèka. Eye àjèɖàtɔa xɔ̀nà ètodɔ̃ kè jè na ɛ̀a.

⁶Àmè sùgbɔ ye klina ènu do àmè kè le wɔ̀ àdɔ̀mè nyuɛ̃a. Àmè sia àmè trɔnazũ àmè kè le na ènu màjìjɔa be èxlɔ̃.

⁷Àmè kè jè èhiãa be èxlɔ̃wo sina gble è ɖɛ, kaka va jè nɔ̀viawo ŋutɔ cã ji. E jina wo dokpò wàlɛbɛ kè e jro la pò nupo na woa.

⁸Àmè kè le kpla àlekè wo bùnà ètamè ɖoa, le wɔ̀ ènunyuɛ̃. Àmè kè le jè àgbàgba la sè ènugɔ̃mèa be ènuwo kpata zɔ̃nà sùu.

⁹Wo va kènà ɖo àjèɖàtɔ ŋuti gbè ɖèka. Eye àjèɖàtɔa le crɔ̃ ye ŋutɔ ɖokoe.

¹⁰Mu nyɔ be sùkunɔ̀ bèa nɔ̀ àgbè lè nyɔna mè ò. Èkluvi mu ɖo ŋusɛ̃ la kpàcɛ̀ na àmègãwo ò.

¹¹Àmè kè ɖo ènunyaa, mu binajì kaba ò; eye e ŋlɔ̀nàbe àmè be àgɔ̀jèje sɔ ɖona gogo.

¹²Èfìɔ be àdɔ̀mèze dodo nɔ̀nà sìgbè jãŋùta be àpadodo nène. Vɔ̀a, yebe àdɔ̀mè nyuɛ̃a nɔ̀nà bɔ̀kɔ̀ sìgbè èsì fàfa kè jà kɔ̀ ɖo ègbe jia nène.

¹³Sumɔvi sekunɔ̀ nyina gbledo na ètɔa. Nyɔ̃nù be ènyàdɔ̃dɔ̃ nɔ̀nà sìgbè èjijàja mà-ɖo kɔpe nène.

¹⁴Wo la teŋu ɖù àxue kudo àjìtɔ be àdɔ̀kùnuwo be ècrɔ̃. Vɔ̀a, nyɔ̃nù ɖo ènunyaa, nyi Tɔhonɔ̀ be ènunana blibo.

¹⁵Kuviɔ̃ nana wo dɔ̃na àlɔ̃ eye àdɔ̀ wùnà àmè kè mu le wɔ̀ ènu ɖekpe òa.

¹⁶Àmè kè le wɔ̀ ɖo ègbèɖèɖe jia, le hlùɛ̃ yebe àgbè. Àmè kè mu sɔɖe lè e mè na ye ɖokoe òa, la crɔ̃.

¹⁷Àmè kè le na ènu wɔ̀amènɔ̀a lè sìgbè àmè kè le do na Tɔhonɔ̀ nène, eye Tɔhonɔ̀ la ɖo e tèpe na ɛ̀.

¹⁸Gbe ènyà na èvi wò wàlɛbɛ kè wò la gbà teŋu kpe ɖo e ŋutia. Vɔ̀a, lè àpo èjìbibi mèa, mù gbà pò è wù ò.

¹⁹Àmè kè le do àdɔ̀mèze kaɖi kaɖia, ɖo la na àjɔ̀. Ne wo mu le biɔ ɛ̀ àjɔ̀a be èfɛ̃ òa, eŋuã wo le do è ŋusɛ̃ ne bèa yì àdɔ̀mèze dodoa ji.

²⁰Ɖoto ètopòɖo, lɔ̃ ènyà gbena àmè. Eye lè vɔ̀vɔnua wò la trɔ zũ ènunyatɔ.

²¹Àgbètɔ wɔ̀nà ɖoɖo sùgbɔ, vɔ̀a, Tɔhonɔ̀ be èjro kpò ye wɔ̀nà.

²²Ènu ɖèka kè wo jina so àmè gbɔa ye nyi àdɔ̀mè nyuɛ̃ wɔ̀wɔ eye wɔ̀amènɔ̀ nyɔ wu àjèɖàtɔ.

²³Bùbu dodo Tɔhonɔ̀ ŋuti nana wo nɔ̀nà àgbè. Àmè kè ɖo bùbu na Tɔhonɔ̀a, mu hiãna ènu ɖekpe ò eye gbledo cã mu vana e ji ò.

²⁴Kuviɔ̃tɔ dona àlɔ̀ àgbã mè vɔ̀a, mu jrona la sɔ àlɔ̀a yì ènu gbɔ ò.

²⁵Ne wo pò àmèkòtɔa, sùkunɔ̀ teŋu kpla ènu ɖe so e mè. Ne wo gbe ènyà na àmè kè ɖo ènunyaa, e kplana ènu ɖe so emè kòkòkò.

²⁶Sumɔvi kè nɔ̀nà àgbè bàɖàa, fĩnà ètɔa be àdɔ̀kùnuwo eye e nyànà ènɔa do ègbe ŋutɔ cã.

²⁷Èvi nyè, ne wò mu gbà le ɖo èto àfɔ̀ ɖo àfɔ̀ ji be ènyàwo òa, eŋuã wò trɔ ŋùgbe do ènunyaa.

²⁸Ɖaseɖùtɔ kè mu tona nyàwo òa, tùnàfɔ̀ èsea ji. Àmè bàɖà lɔ̃nà ènu kpòtoe gbɔ̃gblɔ̃.

²⁹Àmèkòtɔ jè na ètodɔ̃ eye sùkunɔ̀ tɔ̀ ye nyi èkpò.