Read gen Èlododowo 5 Bible Online

Èlododowo 5 - gen bible

Èlododowo 5

¹Èvi nyè, le ŋùku ɖo ènunya kè mù le fiɔ wòa ŋuti, ɖoto ètopòɖo kè àpe ènunya le na wòa.

²Ekèa la na wò la nɔ ŋɔjè ènu mè eye àpo àɖe la nɔ to ènunya be ènyà.

³Ɛ̃ɛ, nyɔ̃nù àhasìwɔ̀tɔ be ènyàwo vivina sìgbè ànyisì nène, eye e srànà sìgbè àmì nène.

⁴Vɔ̀ lè vɔ̀vɔnua, wo va vena kpàa, wo dona àbì àmè sìgbè èwui ènu èvè tɔ̀ nène.

⁵Nyɔ̃nù kèa be wɔ̀na dona àmè èku, yebe àfɔ̀wo le ɖiɖi yì èyɔ̀ mè.

⁶Mu sɔna àgbè be èmɔ̃ ò, e buna àfɔ̀tope co mu nyana ɛ̀ ò.

⁷Eye fifìa, èvi nyè, ɖoto mù. Mù gbà gbe àpe ètopòɖowo ò.

⁸Mù gbà zɔ̃ kudo nyɔ̃nù kèa hati ò, mù gbà gogo yebe èxɔ̀mɔnu ŋutɔ cã ò.

⁹Mu nyi nène òa, e la ɖè bùbu tɔ̀xɛ wòa jo eye àmè mà ku ŋuzĩzĩwo la biɔ wò yebe èfɛ̃.

¹⁰Àmèjrowo ye la zã àpo ènuwo, àmè mà jèsi ye la va ɖù àpo ègà.

¹¹Vɔ̀vɔnua, ènu la tìkɔ̀ na wò eye wò la va nɔ ŋɛ̃.

¹²Nène a, wò la va gblɔ̃ be: “Mù gbe àfɔ̀ ɖo àfɔ̀jiwo va yì, nyè mu lɔ̃ ŋùmèkãkãwo ò.

¹³Nyè mu ɖoto àpetɔ nyèwo be ètopòɖowo ò, nyè mu kè ènu do mè na woabe ènufiɔfiɔwo ò.

¹⁴Eye fifìa, mù gɛ̃ ɖo gbledo gã ɖe mè kaka be àmèha kudo dùkɔ̃a gbe mù.”

¹⁵Èsrɔ̃ wò nyɔ̃nù lè sìgbè àpo èsìdo nène, èsì kè le ji so vudo wòa mè nène. Nù èsì ŋua kpò!

¹⁶Mù gbà na ne èsì wòa ne srà yì èkpa godo kaka ne bèa yì àsìdòmè ò.

¹⁷Ne nyi wò ɖèka tɔ̀ wò, mù gbà ma ɛ̀ kudo àmè ɖekpe ò!

¹⁸Kè ɖo jìjɔɛ wòa ŋuti kudo nyɔ̃nù kè wò ji so ɖèkajɛ mèa:

¹⁹E ɖo lɔ̃lɔ̃ sìgbè àvũgbɛ nène; e nya kpɔ sìgbè èsèe nène. Na ne ènu ne nyɔ na ɛ̀. Yebe àmètia ne nɔ do jìjɔɛ na wò tɛ̀gbɛ̀! Ɖo lɔ̃lɔ̃ na ɛ̀ ɖehòmèku kpò!

²⁰Èvi nyè, nukɛ ŋuti ye wò le lɔ̃ àmè bu be nyɔ̃nù kaka la va nɔ le ànɔ na ɛ̀ ò?

²¹Ɛ̃ɛ Tɔhonɔ̀ le kpɔ àgbètɔwo be wɔ̀na, e le kpɔ àmè sia àmè lè yebe wɔ̀wɔwo mè.

²²Àmè kè le wɔ̀ ènu bàɖàa la nyi gàmènɔ̀tɔ na yebe àgɔ̀jèjewo. Wo la nɔ̀ na ɛ̀ sìgbè èmɔ̃ tetre nène.

²³E la ku, ɖo mu xɔ̀ kpakpla ò. Yebe àɖàhùa gãa la crɔ̃ ɛ̀.