Read gen Èlododowo 9 Bible Online

Èlododowo 9 - gen bible

Èlododowo 9

¹Ènunya ɖo sɔti adrɛ̃ ànyi eye e sɔ sò yebe àxue.

²E wù yebe èlãwo, e wɔ̀ vɛ̃. Eye yebe ènuɖùɖua sɔ̀gbè.

³E dɔ̃ yebe sumɔ̃vi nyɔ̃nùwo ɖoɖa èdùa be tèpe xɔ̀asì ne woa do àpa gblɔ̃ be:

⁴“Mìa bòlìmècitɔwo, mì va tèpe kèa!” E na wo gblɔ̃ na àmè kèwo susu hùedoawo be:

⁵“Mì va ɖù àpe ènuɖùɖu kè mù ɖàa, mì va nù vɛ̃ kè mù wɔ̀a!

⁶Mì jo lè mìabe èlãnu wɔ̀wɔwo gbɔ ne mìa nɔ̀ àgbè! Mì sɔ ènunya be àfɔ̀topea kpò!”

⁷Àmè kè le gbe ènyà na àmè kè ɖùnà fɛwu ɖo ènu sia ènu ŋutia, mu xɔ̀nà àlìlɔ ò. Àmè kè le gbe ènyà na àmè vuɛ̃ a, xɔ̀nà èzũ.

⁸Mù gbà gbe ènyà na àmè kè ɖùnà fɛwu ɖo ènu ŋuti ò, mu nyi nène òa, e la crì wò. Vɔ̀ ne wò gbe ènyà na ènunyatɔa, e la lɔ̃ wò kpe è.

⁹Pòtoɖo na ènunyatɔ, e la gbà kpɔ ènunya ɖo e ji kpe è. Fiɔ ènu àmè kè le wɔ̀ ènyuɛ̃a ne yebe ènunya ne sĩ ɖo ji kpe è.

¹⁰Ènunya be gɔ̃mè jèje ye nyi Tɔhonɔ̀ be vɔ̃vɔ̃. Ènunya ye nyi be woa nya àmè kè lè kɔ̀kɔ̀ɛa.

¹¹Ɛ̃ɛ, ènyè ènunya, mù la dà ŋùkèkèwo ɖo àpo àgbèzã ji eye mù la na èpè wòwo la jì ɖo eji.

¹²Ne wò nyi ènunyatɔa, wò la ɖì ì. Ne wò le ɖù fɛwu ɖo ènu ŋutia, wò la va kpɔ e mè sonuwo.

¹³Ènu bàɖà lè sìgbè nyɔ̃nù kè wɔ̀nà tùkaɖa, kè mu nya ènu ɖekpe ò, eye be cibòlìmèa nène.

¹⁴E nɔ̀nà ànyi ɖo yebe àgbo nu lè èdùa be tèpe xɔ̀asì.

¹⁵Lè funua, e yɔna àmè kèwo va le yì eye wo le kpɔ ŋùkɔ̀ tututua gblɔ̃ be:

¹⁶“Mì va, mìa ènumànyatɔwo!” E gblɔ̃nà na àmè kèwo cibòlìmèa be:

¹⁷“Àhà kè wo fìã a vivina nùnu, eye ènuɖùɖu kè wo ɖù lè bèbe mèa, vivina ŋutɔ.”

¹⁸Co àmè kèawo mu nya kpɔ gbèɖe be yèwo le zɔ̃ kudo àmè kukuwo ò, be ènu bàɖà be èxlɔ̃wo lè èkuwode xoxo vɔ̀ ò.