Read gen Àɖàŋùɖètɔ 6 Bible Online

Àɖàŋùɖètɔ 6 - gen bible

Àɖàŋùɖètɔ 6

¹Mù gbà kpɔ ènu bàɖà ɖe kè nyi jɔ̀gbè vuɛ̃ na àgbètɔ xòmèa.

²Kpɔ àmè ɖe kè Mawu na àdɔ̀kùnɔ̀, ènu nɔ̀amèsi kudo jɔ̀gbè nyuɛ̃. Ènu jro àmèwo keŋu sù e si. Vɔ̀ Mawu mu na ɛ̀ mɔnu ne bèa kpɔ gomè lè yebe ènu nɔ̀amèsiawo mè ò. Àmè bu tɔ̀ wo la va nyi. Ènu kèa mu ɖo gɔ̃mèsèse ò, màjɔ̀ màjɔ lè e mè eye e do àyà na àmè.

³Ŋusù ɖe la teŋu ɖo èvi kàvè takpo eye e la nɔ̀ àgbè dìdi. Àlè kɛ ye be la ɖè na ɛ̀ ne mu kpɔ jɔ̀gbè nyuɛ̃ lè àgbè dìdi ŋua mè àlo mu wɔ̀ ècɔ ò? Tɔ̀ nyè gomèa, e la nyɔ be woa trɔ ŋùgbe vifɛ̃ hũkɔ̃ɛ̃.

⁴Nyàwo èvi kèa be jìji nyi ènu gbalo, e la bu lè èzã mè eye èzãa la sɔ yebe nyikɔ jo yì.

⁵Mu la kpɔ dɔ̃ŋùkusu cã kaka la va nya ɛ̀ ò. E lè kpoo, wu àmè kè lè àgbè dìdi a.

⁶Ɖo ne e gbà nɔ̀ àgbè èpè èkà àtɔ̃ ŋutɔ cã vɔ̀ jɔ̀gbè nyuɛ̃ mu sù e si òa, àlè kɛ be la ɖè na ɛ̀ ò? Vɔ̀a ɖe, mu nyi èku ye nyina ènu sia ènu be vɔ̀vɔnua?

⁷Àgbètɔ jènà àgbàgba sɔ jrànà ye ɖokoe ɖo. Vɔ̀ mu jènà ŋùmè na ɛ̀ gbèɖe ò.

⁸Àlè kɛ ye ènunyatɔ ɖù lè ènumànyatɔa ji ò? Àlè kɛ ye lè wɔ̀amènɔ̀ be èbèlele na ye ɖokoe mè ò?

⁹Ènu kè sù àmè sia ne jè ŋùmè na àmè wu be woa pudù kplɔ̀ ènu jro àmè do. Ɖo ekèa cã mu kplɔ̀nà àmè yìnà àfi ɖe ò. E la nyɔ wu be woa pudù kplɔ̀ àya pòpo do.

¹⁰Ènu kè lè egbèa, lè nyanya so blèmàmè ke. Eye mi nya ènu kè nyi àgbètɔ. Mu la teŋu hɛ̃ ènyà kudo àmè kè sɛ̃ŋu wu ìa ò.

¹¹Mi gblɔ̃nà ènyà gbalo sùgbɔ ne mi le pò nupo fuua. Àlè kɛ mi kpɔna lè e mè ò?

¹²Àgbètɔ be àgbè zã va yìnà sìgbè àlekè vɔ̃vɔ̃lì va yìnàa nène. Àmè kɛ ye la teŋu nya ènu kè la jè na wo lè woabe àgbènɔ̀zã kpoe kèa mè ò? Àmè ɖekpe mu lè kè la teŋu gblɔ̃ ènu kè la va jɔ̀ lè woabe ŋùgbea na wo ò.